헬라어 문장 검색 - Πλυταρ́Τηεσευσ́36́

(플루타르코스, chapter 36)

μετὰ δὲ τὰ Μηδικὰ Φαίδωνοσ ἄρχοντοσ μαντευομένοισ τοῖσ Ἀθηναίοισ ἀνεῖλεν ἡ Πυθία τὰ Θησέωσ ἀναλαβεῖν ὀστᾶ καὶ θεμένουσ ἐντίμωσ παρ’ αὑτοῖσ φυλάττειν. ἦν δὲ καὶ λαβεῖν ἀπορία καὶ γνῶναι τὸν τάφον ἀμιξίᾳ καὶ χαλεπότητι τῶν ἐνοικούντων Δολόπων. οὐ μὴν ἀλλὰ Κίμων ἑλὼν τὴν νῆσον, ὡσ ἐν τοῖσ περὶ ἐκείνου γέγραπται, καὶ φιλοτιμούμενοσ ἐξανευρεῖν, ἀετοῦ τινα τόπον βουνοειδῆ κόπτοντοσ, ὥσ φασι, τῷ στόματι καὶ διαστέλλοντοσ τοῖσ ὄνυξι θείᾳ τινὶ τύχῃ συμφρονήσασ ἀνέσκαψεν. εὑρέθη δὲ θήκη τε μεγάλου σώματοσ αἰχμή τε παρακειμένη χαλκῆ καὶ ξίφοσ.

κομισθέντων δὲ τούτων ὑπὸ Κίμωνοσ ἐπὶ τῆσ τριήρουσ, ἡσθέντεσ οἱ Ἀθηναῖοι πομπαῖσ τε λαμπραῖσ ἐδέξαντο καὶ θυσίαισ ὥσπερ αὐτὸν ἐπανερχόμενον εἰσ τὸ ἄστυ. καὶ κεῖται μὲν ἐν μέσῃ τῇ πόλει παρὰ τὸ νῦν γυμνάσιον, ἔστι δὲ φύξιμον οἰκέταισ καὶ πᾶσι τοῖσ ταπεινοτέροισ καὶ δεδιόσι κρείττονασ, ὡσ καὶ τοῦ Θησέωσ προστατικοῦ τινοσ καὶ βοηθητικοῦ γενομένου καὶ προσδεχομένου φιλανθρώπωσ τὰσ τῶν ταπεινοτέρων δεήσεισ. θυσίαν δὲ ποιοῦσιν αὐτῷ τὴν μεγίστην ὀγδόῃ Πυανεψιῶνοσ, ἐν ᾗ μετὰ τῶν ἠϊθέων ἐκ Κρήτησ ἐπανῆλθεν.

οὐ μὴν ἀλλὰ καὶ ταῖσ ἄλλαισ ὀγδόαισ τιμῶσιν αὐτόν, ἢ διὰ τὸ πρῶτον ἐκ Τροιζῆνοσ ἀφικέσθαι τῇ ὀγδόῃ τοῦ Ἑκατομβαιῶνοσ, ὡσ ἱστόρηκε Διόδωροσ ὁ περιηγητήσ, ἢ νομίζοντεσ ἑτέρου μᾶλλον ἐκείνῳ προσήκειν τὸν ἀριθμὸν τοῦτον ἐκ Ποσειδῶνοσ γεγονέναι λεγομένῳ. καὶ γὰρ Ποσειδῶνα ταῖσ ὀγδόαισ τιμῶσιν.

ἡ γὰρ ὀγδοὰσ κύβοσ ἀπ’ ἀρτίου πρῶτοσ οὖσα καὶ τοῦ πρώτου τετραγώνου διπλασία, τὸ μόνιμον καὶ δυσκίνητον οἰκεῖον ἔχει τῆσ τοῦ θεοῦ δυνάμεωσ, ὃν ἀσφάλειον καὶ γαιήοχον προσονομάζομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 36

(플루타르코스, chapter 36)

상위

목록

SEARCH

MENU NAVIGATION