헬라어 문장 검색 - Πλυταρ́Τηεσευσ́31́

(플루타르코스, chapter 31)

ἤδη δὲ πεντήκοντα ἔτη γεγονώσ, ὥσ φησιν Ἑλλάνικοσ, ἔπραξε τὰ περὶ τὴν Ἑλένην, οὐ καθ’ ὡρ́αν. ὅθεν ὡσ δὴ μέγιστον ἐπανορθούμενοι τοῦτο τῶν ἐγκλημάτων, ἔνιοι λέγουσιν οὐκ αὐτὸν ἁρπάσαι τὴν Ἑλένην, ἀλλὰ Ἴδα καὶ Λυγκέωσ ἁρπασάντων παρακαταθήκην λαβόντα τηρεῖν καὶ μὴ προί̈εσθαι τοῖσ Διοσκούροισ ἀπαιτοῦσιν· ἢ νὴ Δία Τυνδάρεω παραδόντοσ αὐτοῦ, φοβηθέντοσ Ἐναρσφόρον τὸν Ἱπποκόωντοσ ἔτι νηπίαν οὖσαν βιαζόμενον τὴν Ἑλένην λαβεῖν. τὰ δὲ εἰκότα καὶ πλείστουσ ἔχοντα μάρτυρασ τοιαῦτά ἐστιν. ἦλθον μὲν εἰσ Σπάρτην ἀμφότεροι καὶ τὴν κόρην ἐν ἱερῷ Ἀρτέμιδοσ Ὀρθίασ χορεύουσαν ἁρπάσαντεσ ἔφυγον·

τῶν δὲ πεμφθέντων ἐπὶ τὴν δίωξιν οὐ πορρωτέρω Τεγέασ ἐπακολουθησάντων, ἐν ἀδείᾳ γενόμενοι καὶ διελθόντεσ τὴν Πελοπόννησον ἐποιήσαντο συνθήκασ, τὸν μὲν λαχόντα κλήρῳ τὴν Ἑλένην ἔχειν γυναῖκα, συμπράττειν δὲ θατέρῳ γάμον ἄλλον. ἐπὶ ταύταισ δὲ κληρουμένων ταῖσ ὁμολογίαισ ἔλαχε Θησεύσ·

καὶ παραλαβὼν τὴν παρθένον οὔπω γάμων ὡρ́αν ἔχουσαν εἰσ Ἀφίδνασ ἐκόμισε· καὶ τὴν μητέρα καταστήσασ μετ’ αὐτῆσ Ἀφίδνῳ παρέδωκεν ὄντι φίλῳ, διακελευσάμενοσ φυλάττειν καὶ λανθάνειν τοὺσ ἄλλουσ. αὐτὸσ δὲ Πειρίθῳ τὴν ὑπουργίαν ἀποδιδούσ, εἰσ Ἤπειρον συναπεδήμησεν ἐπὶ τὴν Αἰ̈δωνέωσ θυγατέρα τοῦ Μολοσσῶν βασιλέωσ, ὃσ τῇ γυναικὶ Φερσεφόνην ὄνομα θέμενοσ, Κόρην δὲ τῇ θυγατρί, τῷ δὲ κυνὶ Κέρβερον, ἐκέλευε τούτῳ διαμάχεσθαι τοὺσ μνωμένουσ τὴν παῖδα καὶ λαβεῖν τὸν κρατήσαντα.

τοὺσ μέντοι περὶ τὸν Πειρίθουν οὐ μνηστῆρασ ἥκειν, ἀλλ’ ἁρπασομένουσ πυνθανόμενοσ συνέλαβε· καὶ τὸν μὲν Πειρίθουν εὐθὺσ ἠφάνισε διὰ τοῦ κυνόσ, τὸν δὲ Θησέα καθείρξασ ἐφύλαττεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 31

(플루타르코스, chapter 31)

상위

목록

SEARCH

MENU NAVIGATION