헬라어 문장 검색 - Πλυταρ́Τηεσευσ́27́

(플루타르코스, chapter 27)

πρόφασιν μὲν οὖν ταύτην ὁ τῶν Ἀμαζόνων πόλεμοσ ἔσχε· φαίνεται δὲ μὴ φαῦλον αὐτοῦ μηδὲ γυναικεῖον γενέσθαι τὸ ἔργον. οὐ γὰρ ἂν ἐν ἄστει κατεστρατοπέδευσαν οὐδὲ τὴν μάχην συνῆψαν ἐν χρῷ περὶ τὴν Πνύκα καὶ τὸ Μουσεῖον, εἰ μὴ κρατοῦσαι τῆσ χώρασ ἀδεῶσ τῇ πόλει προσέμιξαν. εἰ μὲν οὖν, ὡσ Ἑλλάνικοσ ἱστόρηκε, τῷ Κιμμερικῷ Βοσπόρῳ παγέντι διαβᾶσαι περιῆλθον, ἔργον ἐστὶ πιστεῦσαι·

τὸ δὲ ἐν τῇ πόλει σχεδὸν αὐτὰσ ἐνστρατοπεδεῦσαι μαρτυρεῖται καὶ τοῖσ ὀνόμασι τῶν τόπων καὶ ταῖσ θήκαισ τῶν πεσόντων. πολὺν δὲ χρόνον ὄκνοσ ἦν καὶ μέλλησισ ἀμφοτέροισ τῆσ ἐπιχειρήσεωσ· τέλοσ δὲ Θησεὺσ κατά τι λόγιον τῷ Φόβῳ σφαγιασάμενοσ συνῆψεν αὐταῖσ. ἡ μὲν οὖν μάχη Βοηδρομιῶνοσ ἐγένετο μηνὸσ ἐφ’ ᾗ τὰ Βοηδρόμια μέχρι νῦν Ἀθηναῖοι θύουσιν.

ἱστορεῖ δὲ Κλείδημοσ, ἐξακριβοῦν τὰ καθ’ ἕκαστα βουλόμενοσ, τὸ μὲν εὐώνυμον τῶν Ἀμαζόνων κέρασ ἐπιστρέφειν πρὸσ τὸ νῦν καλούμενον Ἀμαζόνειον, τῷ δὲ δεξιῷ πρὸσ τὴν Πνύκα κατὰ τὴν Χρύσαν ἥκειν. μάχεσθαι δὲ πρὸσ τοῦτο τοὺσ Ἀθηναίουσ ἀπὸ τοῦ Μουσείου ταῖσ Ἀμαζόσι συμπεσόντασ, καὶ τάφουσ τῶν πεσόντων περὶ τὴν πλατεῖαν εἶναι τὴν φέρουσαν ἐπὶ τὰσ πύλασ παρὰ τὸ Χαλκώδοντοσ ἡρῷον, ἃσ νῦν Πειραϊκὰσ ὀνομάζουσι. καὶ ταύτῃ μὲν ἐκβιασθῆναι μέχρι τῶν Εὐμενίδων καὶ ὑποχωρῆσαι ταῖσ γυναιξίν, ἀπὸ δὲ Παλλαδίου καὶ Ἀρδηττοῦ καὶ Λυκείου προσβαλόντασ ὤσασθαι τὸ δεξιὸν αὐτῶν ἄχρι τοῦ στρατοπέδου καὶ πολλὰσ καταβαλεῖν.

τετάρτῳ δὲ μηνὶ συνθήκασ γενέσθαι διὰ τῆσ Ἱππολύτησ· Ἱππολύτην γὰρ οὗτοσ ὀνομάζει τὴν τῷ Θησεῖ συνοικοῦσαν, οὐκ Ἀντιόπην. ἔνιοι δέ φασι μετὰ τοῦ Θησέωσ μαχομένην πεσεῖν τὴν ἄνθρωπον ὑπὸ Μολπαδίασ ἀκοντισθεῖσαν, καὶ τὴν στήλην τὴν παρὰ τὸ τῆσ Ὀλυμπίασ ἱερὸν ἐπὶ ταύτῃ κεῖσθαι. καὶ θαυμαστὸν οὐκ ἔστιν ἐπὶ πράγμασιν οὕτω παλαιοῖσ πλανᾶσθαι τὴν ἱστορίαν, ἐπεὶ καὶ τὰσ τετρωμένασ φασὶ τῶν Ἀμαζόνων ὑπ’ Ἀντιόπησ εἰσ Χαλκίδα λάθρα διαπεμφθείσασ τυγχάνειν ἐπιμελείασ, καὶ ταφῆναί τινασ ἐκεῖ περὶ τὸ νῦν Ἀμαζόνειον καλούμενον.

ἀλλὰ τοῦ γε τὸν πόλεμον εἰσ σπονδὰσ τελευτῆσαι μαρτύριόν ἐστιν ἥ τε τοῦ τόπου κλῆσισ τοῦ παρὰ τὸ Θησεῖον, ὅνπερ Ὁρκωμόσιον καλοῦσιν, ἥ τε γινομένη πάλαι θυσία ταῖσ Ἀμαζόσι πρὸ τῶν Θησείων. δεικνύουσι δὲ καὶ Μεγαρεῖσ Ἀμαζόνων θήκην παρ’ αὑτοῖσ, ἐπὶ τὸν καλούμενον Ῥοῦν βαδίζουσιν ἐξ ἀγορᾶσ, ὅπου τὸ Ῥομβοειδέσ.

λέγεται δὲ καὶ περὶ Χαιρώνειαν ἑτέρασ ἀποθανεῖν, καὶ ταφῆναι παρὰ τὸ ῥευμάτιον ὃ πάλαι μέν, ὡσ ἐοίκε, Θερμώδων, Αἵμων δὲ νῦν καλεῖται· περὶ ὧν ἐν τῷ Δημοσθένουσ βίῳ γέγραπται. φαίνονται δὲ μηδὲ Θεσσαλίαν ἀπραγμόνωσ αἱ Ἀμαζόνεσ διελθοῦσαι· τάφοι γὰρ αὐτῶν ἔτι καὶ νῦν δείκνυνται περὶ τὴν Σκοτουσαίαν καὶ τὰσ Κυνὸσ κεφαλάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 27

(플루타르코스, chapter 27)

상위

목록

SEARCH

MENU NAVIGATION