헬라어 문장 검색 - Πλυταρ́Τηεσευσ́25́

(플루타르코스, chapter 25)

κήρυγμα Θησέωσ γενέσθαι φασὶ πανδημίαν τινὰ καθιστάντοσ. οὐ μὴν ἄτακτον οὐδὲ μεμιγμένην περιεῖδεν ὑπὸ πλήθουσ ἐπιχυθέντοσ ἀκρίτου γενομένην τὴν δημοκρατίαν, ἀλλὰ πρῶτοσ ἀποκρίνασ χωρὶσ εὐπατρίδασ καὶ γεωμόρουσ καὶ δημιουργούσ, εὐπατρίδαισ δὲ γινώσκειν τὰ θεῖα καὶ παρέχειν ἄρχοντασ ἀποδοὺσ καὶ νόμων διδασκάλουσ εἶναι καὶ ὁσίων καὶ ἱερῶν ἐξηγητάσ, τοῖσ ἄλλοισ πολίταισ ὥσπερ εἰσ ἴσον κατέστησε, δόξῃ μὲν εὐπατριδῶν, χρείᾳ δὲ γεωμόρων, πλήθει δὲ δημιουργῶν ὑπερέχειν δοκούντων. ὅτι δὲ πρῶτοσ ἀπέκλινε πρὸσ τὸν ὄχλον, ὡσ Ἀριστοτέλησ φησί, καὶ ἀφῆκε τὸ μοναρχεῖν, ἐοίκε μαρτυρεῖν καὶ Ὅμηροσ ἐν νεῶν καταλόγῳ μόνουσ Ἀθηναίουσ δῆμον προσαγορεύσασ.

ἔκοψε δὲ καὶ νόμισμα, βοῦν ἐγχαράξασ, ἢ διὰ τὸν Μαραθώνιον ταῦρον, ἢ διὰ τὸν Μίνω στρατηγόν, ἢ πρὸσ γεωργίαν τοὺσ πολίτασ παρακαλῶν.

ἀπ’ ἐκείνου δέ φασι τὸ ἑκατόμβοιον καὶ τὸ δεκάβοιον ὀνομασθῆναι. προσκτησάμενοσ δὲ τῇ Ἀττικῇ τὴν Μεγαρικὴν βεβαίωσ, τὴν θρυλουμένην ἐν Ἰσθμῷ στήλην ἔστησεν, ἐπιγράψασ τὸ διορίζον ἐπίγραμμα τὴν χώραν δυσὶ τριμέτροισ, ὧν ἔφραζε τὸ μὲν πρὸσ ἑώ τάδ’ οὐχὶ Πελοπόννησοσ, ἀλλ’ Ιὠνία· τὸ δὲ πρὸσ ἑσπέραν τάδ’ ἐστὶ Πελοπόννησοσ, οὐκ Ιὠνία. καὶ τὸν ἀγῶνα πρῶτοσ ἔθηκε κατὰ ζῆλον Ἡρακλέουσ, ὡσ δι’ ἐκεῖνον Ὀλύμπια τῷ Δί̈, καὶ δι’ αὐτὸν Ἴσθμια τῷ Ποσειδῶνι φιλοτιμηθεὶσ ἄγειν τοὺσ Ἕλληνασ.

ὁ γὰρ ἐπὶ Μελικέρτῃ τεθεὶσ αὐτόθι νυκτὸσ ἐδρᾶτο, τελετῆσ ἔχων μᾶλλον ἢ θέασ καὶ πανηγυρισμοῦ τάξιν. ἔνιοι δέ φασιν ἐπὶ Σκείρωνι τὰ Ἴσθμια τεθῆναι, τοῦ Θησέωσ ἀφοσιουμένου τὸν φόνον διὰ τὴν συγγένειαν· Σκείρωνα γὰρ υἱὸν εἶναι Κανήθου καὶ Ἡνιόχησ τῆσ Πιτθέωσ. οἱ δὲ Σίνιν, οὐ Σκείρωνα, καὶ τὸν ἀγῶνα τεθῆναι διὰ τοῦτον ὑπὸ Θησέωσ, οὐ δι’ ἐκεῖνον. ἔταξεν οὖν καὶ διωρίσατο πρὸσ τοὺσ Κορινθίουσ Ἀθηναίων τοῖσ ἀφικνουμένοισ ἐπὶ τὰ Ἴσθμια παρέχειν προεδρίαν ὅσον ἂν τόπον ἐπίσχῃ καταπετασθὲν τὸ τῆσ θεωρίδοσ νεὼσ ἱστίον, ὡσ Ἑλλάνικοσ καὶ Ἄνδρων ὁ Ἁλικαρνασεὺσ ἱστορήκασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 25

(플루타르코스, chapter 25)

상위

목록

SEARCH

MENU NAVIGATION