헬라어 문장 검색 - Πλυταρ́Τηεσευσ́24́

(플루타르코스, chapter 24)

μετὰ δὲ τὴν Αἰγέωσ τελευτὴν μέγα καὶ θαυμαστὸν ἔργον εἰσ νοῦν βαλόμενοσ συνῴκισε τοὺσ τὴν Ἀττικὴν κατοικοῦντασ εἰσ ἓν ἄστυ, καὶ μιᾶσ πόλεωσ ἕνα δῆμον ἀπέφηνε, τέωσ σποράδασ ὄντασ καὶ δυσανακλήτουσ πρὸσ τὸ κοινὸν πάντων συμφέρον, ἔστι δ’ ὅτε καὶ διαφερομένουσ ἀλλήλοισ καὶ πολεμοῦντασ. ἐπιὼν οὖν ἀνέπειθε κατὰ δήμουσ καὶ γένη, τῶν μὲν ἰδιωτῶν καὶ πενήτων ἐνδεχομένων ταχὺ τὴν παράκλησιν αὐτοῦ, τοῖσ δὲ δυνατοῖσ ἀβασίλευτον πολιτείαν προτείνων καὶ δημοκρατίαν αὐτῷ μόνον ἄρχοντι πολέμου καὶ νόμων φύλακι χρησομένην, τῶν δὲ ἄλλων παρέξουσαν ἅπασιν ἰσομοιρίαν.

τοὺσ μὲν ταῦτα ἔπειθεν, οἱ δὲ τὴν δύναμιν αὐτοῦ δεδιότεσ μεγάλην οὖσαν ἤδη καὶ τὴν τόλμαν, ἐβούλοντο πειθόμενοι μᾶλλον ἢ βιαζόμενοι ταῦτα συγχωρεῖν.

καταλύσασ οὖν τὰ παρ’ ἑκάστοισ πρυτανεῖα καὶ βουλευτήρια καὶ ἀρχάσ, ἓν δὲ ποιήσασ ἅπασι κοινὸν ἐνταῦθα πρυτανεῖον καὶ βουλευτήριον ὅπου νῦν ἵδρυται τὸ ἄστυ, τήν τε πόλιν Ἀθήνασ προσηγόρευσε καὶ Παναθήναια θυσίαν ἐποίησε κοινήν. ἔθυσε δὲ καὶ Μετοίκια τῇ ἕκτῃ ἐπὶ δέκα τοῦ Ἑκατομβαιῶνοσ, ἣν ἔτι νῦν θύουσι.

καὶ τὴν βασιλείαν ἀφείσ, ὥσπερ ὡμολόγησε, διεκόσμει τὴν πολιτείαν ἀπὸ θεῶν ἀρχόμενοσ· ἧκε γὰρ αὐτῷ χρησμὸσ ἐκ Δελφῶν μαντευομένῳ περὶ τῆσ πόλεωσ· Αἰγείδη Θησεῦ, Πιτθηί̈δοσ ἔκγονε κούρησ, πολλαῖσ τοι πολίεσσι πατὴρ ἐμὸσ ἐγκατέθηκε τέρματα καὶ κλωστῆρασ ἐν ὑμετέρῳ πτολιέθρῳ.

ἀλλὰ σὺ μή τι λίην πεπονημένοσ ἔνδοθι θυμὸν βουλεύειν· ἀσκὸσ γὰρ ἐν οἴδματι ποντοπορεύσει. τοῦτο δὲ καὶ Σίβυλλαν ὕστερον ἀποστοματίσαι πρὸσ τὴν πόλιν ἱστοροῦσιν, ἀναφθεγξαμένην· ἀσκὸσ βαπτίζῃ· δῦναι δέ τοι οὐ θέμισ ἐστίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 24

(플루타르코스, chapter 24)

상위

목록

SEARCH

MENU NAVIGATION