헬라어 문장 검색 - Πλυταρ́Τηεσευσ́23́

(플루타르코스, chapter 23)

τὸ δὲ πλοῖον ἐν ᾧ μετὰ τῶν ἠϊθέων ἔπλευσε καὶ πάλιν ἐσώθη, τὴν τριακόντορον, ἄχρι τῶν Δημητρίου τοῦ Φαληρέωσ χρόνων διεφύλαττον οἱ Ἀθηναῖοι, τὰ μὲν παλαιὰ τῶν ξύλων ὑφαιροῦντεσ, ἄλλα δὲ ἐμβάλλοντεσ ἰσχυρὰ καὶ συμπηγνύντεσ οὕτωσ ὥστε καὶ τοῖσ· φιλοσόφοισ εἰσ τὸν αὐξόμενον λόγον ἀμφιδοξούμενον παράδειγμα τὸ πλοῖον εἶναι, τῶν μὲν ὡσ τὸ αὐτό, τῶν δὲ ὡσ οὐ τὸ αὐτὸ διαμένοι λεγόντων. ἄγουσι δὲ καὶ τὴν τῶν ὠσχοφορίων ἑορτὴν Θησέωσ καταστήσαντοσ.

οὐ γὰρ ἁπάσασ αὐτὸν ἐξαγαγεῖν τὰσ λαχούσασ τότε παρθένουσ, ἀλλὰ τῶν συνήθων νεανίσκων δύο θηλυφανεῖσ μὲν ὀφθῆναι καὶ νεαρούσ, ἀνδρώδεισ δὲ τὰσ ψυχὰσ καὶ προθύμουσ, λουτροῖσ τε θερμοῖσ καὶ σκιατραφίαισ καὶ ταῖσ περὶ κόμην καὶ λειότητα καὶ χροιὰν ἀλοιφαῖσ καὶ κοσμήσεσιν ὡσ ἔστιν ἐξαλλάξαντα κομιδῇ, καὶ διδάξαντα φωνὴν καὶ σχῆμὰ καὶ βάδισιν ὡσ ἔνι μάλιστα παρθένοισ ὁμοιοῦσθαι καὶ μηδὲν φαίνεσθαι διαφέροντασ, ἐμβαλεῖν εἰσ τὸν τῶν παρθένων ἀριθμὸν καὶ διαλαθεῖν ἅπαντασ· ἐπεὶ δὲ ἐπανῆλθεν, αὐτόν τε πομπεῦσαι καὶ τοὺσ νεανίσκουσ οὕτωσ ἀμπεχομένουσ ὡσ νῦν ἀμπέχονται τοὺσ ὀσχοὺσ φέροντεσ. φέρουσι δὲ Διονύσῳ καὶ Ἀριάδνῃ χαριζόμενοι διὰ τὸν μῦθον, ἢ μᾶλλον ὅτι συγκομιζομένησ ὀπώρασ ἐπανῆλθον·

αἱ δὲ δειπνοφόροι παραλαμβάνονται καὶ κοινωνοῦσι τῆσ θυσίασ ἀπομιμούμεναι τὰσ μητέρασ ἐκείνων τῶν λαχόντων· ἐπεφοίτων γὰρ αὐτοῖσ ὄψα καὶ σιτία κομίζουσαι· καὶ μῦθοι λέγονται διὰ τὸ κἀκείνασ εὐθυμίασ ἕνεκα καὶ παρηγορίασ μύθουσ διεξιέναι τοῖσ παισί. ταῦτα μὲν οὖν καὶ Δήμων ἱστόρηκεν. ἐξῃρέθη δὲ καί τέμενοσ αὐτῷ, καὶ τοὺσ ἀπὸ τῶν παρασχόντων τὸν δασμὸν οἴκων ἔταξεν εἰσ θυσίαν αὑτῷ τελεῖν ἀποφοράσ· καὶ τῆσ θυσίασ ἐπεμελοῦντο Φυταλίδαι, Θησέωσ ἀποδόντοσ αὐτοῖσ ἀμοιβὴν τῆσ φιλοξενίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 23

(플루타르코스, chapter 23)

상위

목록

SEARCH

MENU NAVIGATION