헬라어 문장 검색 - Πλυταρ́Τηεσευσ́20́

(플루타르코스, chapter 20)

πολλοὶ δὲ λόγοι καὶ περὶ τούτων ἔτι λέγονται καὶ περὶ τῆσ Ἀριάδνησ, οὐδὲν ὁμολογούμενον ἔχοντεσ. οἱ μὲν γὰρ ἀπάγξασθαί φασιν αὐτὴν ἀπολειφθεῖσαν ὑπὸ τοῦ Θησέωσ, οἱ δὲ εἰσ Νάξον ὑπὸ ναυτῶν κομισθεῖσαν Οἰνάρῳ τῷ ἱερεῖ τοῦ Διονύσου συνοικεῖν, ἀπολειφθῆναι δὲ τοῦ Θησέωσ ἐρῶντοσ ἑτέρασ· δεινὸσ γάρ μὲν ἔτειρεν ἔρωσ Πανοπηί̈δοσ Αἴγλησ. τοῦτο γὰρ τὸ ἔποσ ἐκ τῶν Ἡσιόδου Πεισίστρατον ἐξελεῖν φησιν Ἡρέασ ὁ Μεγαρεύσ, ὥσπερ αὖ πάλιν ἐμβαλεῖν εἰσ τὴν Ὁμήρου νέκυιαν τὸ Θησέα Πειρίθοόν τε θεῶν ἀριδείκετα τέκνα, χαριζόμενον Ἀθηναίοισ·

ἔνιοι δὲ καὶ τεκεῖν ἐκ Θησέωσ Ἀριάδνην Οἰνοπίωνα καὶ Στάφυλον· ὧν καὶ ὁ Χῖοσ Ιὤν ἐστὶ περὶ τῆσ ἑαυτοῦ πατρίδοσ λέγων· τήν ποτε Θησείδησ ἔκτισεν Οἰνοπίων. ἃ δ’ ἐστὶν εὐφημότατα τῶν μυθολογουμένων, πάντεσ ὡσ ἔποσ εἰπεῖν διὰ στόματοσ ἔχουσιν. ἴδιον δέ τινα περὶ τούτων λόγον ἐκδέδωκε Παίων ὁ Ἀμαθούσιοσ. τὸν γὰρ Θησέα φησὶν ὑπὸ χειμῶνοσ εἰσ Κύπρον ἐξενεχθέντα καὶ τὴν Ἀριάδνην ἔγκυον ἔχοντα, φαύλωσ δὲ διακειμένην ὑπὸ τοῦ σάλου καὶ δυσφοροῦσαν, ἐκβιβάσαι μόνην, αὐτὸν δὲ τῷ πλοίῳ βοηθοῦντα πάλιν εἰσ τὸ πέλαγοσ ἀπὸ τῆσ γῆσ φέρεσθαι.

τὰσ οὖν ἐγχωρίουσ γυναῖκασ τὴν Ἀριάδνην ἀναλαβεῖν καὶ περιέπειν ἀθυμοῦσαν ἐπὶ τῇ μονώσει, καὶ γράμματα πλαστὰ προσφέρειν, ὡσ τοῦ Θησέωσ γράφοντοσ αὐτῇ, καὶ περὶ τὴν ὠδῖνα συμπονεῖν καὶ βοηθεῖν· ἀποθανοῦσαν δὲ θάψαι μὴ τεκοῦσαν. ἐπελθόντα δὲ τὸν Θησέα καὶ περίλυπον γενόμενον τοῖσ μὲν ἐγχωρίοισ ἀπολιπεῖν χρήματα, συντάξαντα θύειν τῇ Ἀριάδνῃ, δύο δὲ μικροὺσ ἀνδριαντίσκουσ ἱδρύσασθαι, τὸν μὲν ἀργυροῦν, τὸν δὲ χαλκοῦν.

ἐν δὲ τῇ θυσίᾳ τοῦ Γορπιαίου μηνὸσ ἱσταμένου δευτέρᾳ κατακλινόμενόν τινα τῶν νεανίσκων φθέγγεσθαι καὶ ποιεῖν ἅπερ ὠδίνουσαι γυναῖκεσ· καλεῖν δὲ τὸ ἄλσοσ Ἀμαθουσίουσ, ἐν ᾧ τὸν τάφον δεικνύουσιν, Ἀριάδνησ Ἀφροδίτησ. καὶ Ναξίων δέ τινεσ ἰδίωσ ἱστοροῦσι δύο Μίνωασ γενέσθαι καὶ δύο Ἀριάδνασ, ὧν τὴν μὲν Διονύσῳ γαμηθῆναί φασιν ἐν Νάξῳ καὶ τοὺσ περὶ Στάφυλον τεκεῖν, τὴν δὲ νεωτέραν ἁρπασθεῖσαν ὑπὸ τοῦ Θησέωσ καὶ ἀπολειφθεῖσαν εἰσ Νάξον ἐλθεῖν, καὶ τροφὸν μετ’ αὐτῆσ ὄνομα Κορκύνην, ἧσ δείκνυσθαι τάφον.

ἀποθανεῖν δὲ καὶ τὴν Ἀριάδνην αὐτόθι καὶ τιμὰσ ἔχειν οὐχ ὁμοίασ τῇ προτέρᾳ. τῇ μὲν γὰρ ἡδομένουσ καὶ παίζοντασ ἑορτάζειν, τὰσ δὲ ταύτῃ δρωμένασ θυσίασ εἶναι πένθει τινὶ καὶ στυγνότητι μεμιγμένασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 20

(플루타르코스, chapter 20)

상위

목록

SEARCH

MENU NAVIGATION