Ancient Greek Text

Plutarch, chapter 18

(플루타르코스, chapter 18)

γενομένου δὲ τοῦ κλήρου παραλαβὼν τοὺσ λαχόντασ ὁ Θησεὺσ ἐκ τοῦ πρυτανείου, καὶ παρελθὼν εἰσ Δελφίνιον, ἔθηκεν ὑπὲρ αὐτῶν τῷ Ἀπόλλωνι τὴν ἱκετηρίαν. ἦν δὲ κλάδοσ ἀπὸ τῆσ ἱερᾶσ ἐλαίασ, ἐρίῳ λευκῷ κατεστεμμένοσ. εὐξάμενοσ δὲ κατέβαινεν ἕκτῃ μηνὸσ ἐπὶ θάλασσαν ἱσταμένου Μουνυχιῶνοσ, ᾗ καὶ νῦν ἔτι τὰσ κόρασ πέμπουσιν ἱλασομένασ εἰσ Δελφίνιον. λέγεται δὲ αὐτῷ τὸν μὲν ἐν Δελφοῖσ ἀνελεῖν θεὸν Ἀφροδίτην καθηγεμόνα ποιεῖσθαι καὶ παρακαλεῖν συνέμπορον, θύοντι δὲ πρὸσ θαλάσσῃ τὴν αἶγα θήλειαν οὖσαν αὐτομάτωσ τράγον γενέσθαι·

διὸ καὶ καλεῖσθαι τὴν θεὸν Ἐπιτραγίαν.