헬라어 문장 검색 - Πλυταρ́Τηεσευσ́17́

(플루타르코스, chapter 17)

ἐπεὶ δ’ οὖν καθῆκεν ὁ χρόνοσ τοῦ τρίτου δασμοῦ, καὶ παρέχειν ἔδει τοὺσ πατέρασ ἐπὶ τὸν κλῆρον οἷσ ἦσαν ἠί̈θεοι παῖδεσ, αὖθισ ἀνεφύοντο τῷ Αἰγεῖ διαβολαὶ πρὸσ τοὺσ πολίτασ, ὀδυρομένουσ καὶ ἀγανακτοῦντασ ὅτι πάντων αἴτιοσ ὢν ἐκεῖνοσ, οὐδὲν μέροσ ἔχει τῆσ κολάσεωσ μόνοσ, ἀλλ’ ἐπὶ νόθῳ καὶ ξένῳ παιδὶ τὴν ἀρχὴν πεποιημένοσ αὐτοὺσ περιορᾷ γνησίων ἐρήμουσ καὶ ἄπαιδασ ἀπολειπομένουσ. ταῦτ’ ἠνία τὸν Θησέα, καὶ δικαιῶν μὴ ἀμελεῖν, ἀλλὰ κοινωνεῖν τῆσ τύχησ τοῖσ πολίταισ, ἐπέδωκεν ἑαυτὸν ἄνευ κλήρου προσελθών.

καὶ τοῖσ μὲν ἄλλοισ τό τε φρόνημα θαυμαστὸν ἐφάνη καὶ τὸ δημοτικὸν ἠγάπησαν, ὁ δὲ Αἰγεύσ, ἐπεὶ δεόμενοσ καὶ καθικετεύων ἀμετάπειστον ἑώρα καὶ ἀμετάτρεπτον, ἀπεκλήρωσε τοὺσ ἄλλουσ παῖδασ. Ἑλλάνικοσ δέ φησιν οὐ τοὺσ λαχόντασ ἀπὸ κλήρου καὶ τὰσ λαχούσασ ἐκπέμπειν τὴν πόλιν, αὐτὸν δὲ τὸν Μίνω παραγινόμενον ἐκλέγεσθαι καὶ τὸν Θησέα πάντων ἑλέσθαι πρῶτον ἐπὶ τοῖσ ὁρισθεῖσιν·

ὡρισμένον δ’ εἶναι τὴν μὲν ναῦν Ἀθηναίουσ παρέχειν, ἐμβάντασ δὲ πλεῖν σὺν αὐτῷ τοὺσ ἠϊθέουσ μηδὲν ὅπλον ἀρήϊον ἐπιφερομένουσ, ἀπολομένου δὲ τοῦ Μινωταύρου πέρασ ἔχειν τὴν ποινήν. πρότερον μὲν οὖν οὐδεμία σωτηρίασ ἐλπὶσ ὑπέκειτο·

διὸ καὶ μέλαν ἱστίον ἔχουσαν, ὡσ ἐπὶ συμφορᾷ προδήλῳ, τὴν ναῦν ἔπεμπον· τότε δὲ τοῦ Θησέωσ τὸν πατέρα θαρρύνοντοσ καὶ μεγαληγοροῦντοσ ὡσ χειρώσεται τὸν Μινώταυρον, ἔδωκεν ἕτερον ἱστίον λευκὸν τῷ κυβερνήτῃ, κελεύσασ ὑποστρέφοντα σωζομένου τοῦ Θησέωσ ἐπάρασθαι τὸ λευκόν, εἰ δὲ μή, τῷ μέλανι πλεῖν καὶ ἀποσημαίνειν τὸ πάθοσ. "φοινίκεον ἱστίον ὑγρῷ πεφυρμένον πρίνου ἄνθει ἐριθάλλου·

καὶ τοῦτο τῆσ σωτηρίασ αὐτῶν ποιήσασθαι σημεῖον· ἐκυβέρνα δὲ τὴν ναῦν Ἀμαρσυάδασ Φέρεκλοσ, ὥσ φησι Σιμωνίδησ. φιλόχοροσ δὲ παρὰ Σκίρου φησὶν ἐκ Σαλαμῖνοσ τὸν Θησέα λαβεῖν κυβερνήτην μὲν Ναυσίθοον, πρωρέα δὲ Φαίακα, μηδέπω τότε τῶν Ἀθηναίων προσεχόντων τῇ θαλάττῃ·

καὶ γὰρ εἶναι τῶν ἠϊθέων ἕνα Μενέσθην Σκίρου θυγατριδοῦν. μαρτυρεῖ δὲ τούτοισ ἡρῷα Ναυσιθόου καὶ Φαίακοσ εἱσαμένου Θησέωσ Φαληροῖ πρὸσ τῷ τοῦ Σκίρου ἱερῷ, καὶ τὴν ἑορτὴν τὰ Κυβερνήσιά φασιν ἐκείνοισ τελεῖσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 17

(플루타르코스, chapter 17)

상위

목록

SEARCH

MENU NAVIGATION