헬라어 문장 검색 - Πλυταρ́Τηεσευσ́15́

(플루타르코스, chapter 15)

ὀλίγῳ δὲ ὕστερον ἧκον ἐκ Κρήτησ τὸ τρίτον οἱ τὸν δασμὸν ἀπάξοντεσ. ὅτι μὲν οὖν Ἀνδρόγεω περὶ τὴν Ἀττικὴν ἀποθανεῖν δόλῳ δόξαντοσ, ὅ τε Μίνωσ πολλὰ κακὰ πολεμῶν εἰργάζετο τοὺσ ἀνθρώπουσ καὶ τὸ δαιμόνιον ἔφθειρε τὴν χώραν ἀφορία τε γὰρ καὶ νόσοσ ἐνέσκηψε πολλὴ καὶ ἀνέδυσαν οἱ ποταμοί, καὶ τοῦ θεοῦ προστάξαντοσ ἱλασαμένοισ τὸν Μίνω καὶ διαλλαγεῖσι λωφήσειν τὸ μήνιμα καὶ τῶν κακῶν ἔσεσθαι παῦλαν, ἐπικηρυκευσάμενοι καὶ δεηθέντεσ ἐποιήσαντο συνθήκασ ὥστε πέμπειν δι’ ἐννέα ἐτῶν δασμὸν ἠϊθέουσ ἑπτὰ καὶ παρθένουσ τοσαύτασ, ὁμολογοῦσιν οἱ πλεῖστοι τῶν συγγραφέων· τοὺσ δὲ παῖδασ εἰσ Κρήτην κομιζομένουσ ὁ μὲν τραγικώτατοσ μῦθοσ ἀποφαίνει τὸν Μινώταυρον ἐν τῷ Λαβυρίνθῳ διαφθείρειν, ἢ πλανωμένουσ αὐτοὺσ καὶ τυχεῖν ἐξόδου μὴ δυναμένουσ ἐκεῖ καταθνήσκειν, τὸν δὲ Μινώταυρον, ὥσπερ Εὐριπίδησ φησί, σύμμικτον εἶδοσ κἀποφώλιον βρέφοσ γεγονέναι, καὶ ταύρου μεμῖχθαι καὶ βροτοῦ διπλῇ φύσει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 15

(플루타르코스, chapter 15)

상위

목록

SEARCH

MENU NAVIGATION