헬라어 문장 검색 - Πλυταρ́Τηεσευσ́12́

(플루타르코스, chapter 12)

προϊόντι δὲ αὐτῷ καὶ γενομένῳ κατὰ τὸν Κηφισόν, ἄνδρεσ ἐκ τοῦ Φυταλιδῶν γένουσ ἀπαντήσαντεσ ἠσπάσαντο πρῶτοι, καὶ δεομένου καθαρθῆναι, τοῖσ νενομισμένοισ ἁγνίσαντεσ καὶ μειλίχια θύσαντεσ εἱστίασαν οἴκοι, μηδενὸσ πρότερον αὐτῷ φιλανθρώπου καθ’ ὁδὸν ἐντυχόντοσ. ἡμέρᾳ μὲν οὖν ὀγδόῃ λέγεται Κρονίου μηνόσ, ὃν νῦν Ἑκατομβαιῶνα καλοῦσι, κατελθεῖν. κατελθὼν δὲ εἰσ τὴν πόλιν εὑρ͂ε τά τε κοινὰ ταραχῆσ μεστὰ καὶ διχοφροσύνησ, καὶ τὰ περὶ τὸν Αἰγέα καὶ τὸν οἶκον ἰδίᾳ νοσοῦντα. Μήδεια γὰρ ἐκ Κορίνθου φυγοῦσα, φαρμάκοισ ὑποσχομένη τῆσ ἀτεκνίασ ἀπαλλάξειν Αἰγέα, συνῆν αὐτῷ.

προαισθομένη δὲ περὶ τοῦ Θησέωσ αὕτη, τοῦ δὲ Αἰγέωσ ἀγνοοῦντοσ, ὄντοσ δὲ πρεσβυτέρου καὶ φοβουμένου πάντα διὰ τὴν στάσιν, ἔπεισεν αὐτὸν ὡσ ξένον ἑστιῶντα φαρμάκοισ ἀνελεῖν. ἐλθὼν οὖν ὁ Θησεὺσ ἐπὶ τὸ ἄριστον οὐκ ἐδοκίμαζε φράζειν αὑτόν, ὅστισ εἰή, πρότεροσ, ἐκείνῳ δὲ βουλόμενοσ ἀρχὴν ἀνευρέσεωσ παρασχεῖν, κρεῶν παρακειμένων σπασάμενοσ τὴν μάχαιραν, ὡσ ταύτῃ τέμνων, ἐδείκνυεν ἐκείνῳ. ταχὺ δὲ καταμαθὼν ὁ Αἰγεύσ, τὴν μὲν κύλικα τοῦ φαρμάκου κατέβαλε, τὸν δὲ υἱὸν ἀνακρίνασ ἠσπάζετο, καὶ συναγαγὼν τοὺσ πολίτασ ἐγνώριζεν, ἡδέωσ δεχομένουσ διὰ τὴν ἀνδραγαθίαν.

λέγεται δὲ τῆσ κύλικοσ πεσούσησ ἐκχυθῆναι τὸ φάρμακον ὅπου νῦν ἐν Δελφινίῳ τὸ περίφρακτόν ἐστιν, ἐνταῦθα γὰρ ὁ Αἰγεὺσ ᾤκει, καὶ τὸν Ἑρμῆν τὸν πρὸσ ἑώ τοῦ ἱεροῦ καλοῦσιν ἐπ’ Αἰγέωσ πύλαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 12

(플루타르코스, chapter 12)

상위

목록

SEARCH

MENU NAVIGATION