헬라어 문장 검색 - Πλυταρ́Τηεσευσ́08́

(플루타르코스, chapter 8)

καὶ πρῶτον μὲν ἐν τῇ Ἐπιδαυρίᾳ Περιφήτην, ὅπλῳ χρώμενον κορύνῃ καὶ διὰ τοῦτο Κορυνήτην ἐπικαλούμενον, ἁπτόμενον αὐτοῦ καὶ κωλύοντα προάγειν συμβαλὼν ἀπέκτεινεν· ἡσθεὶσ δὲ τῇ κορύνῃ λαβὼν ὅπλον ἐποιήσατο καὶ διετέλει χρώμενοσ, ὥσπερ ὁ Ἡρακλῆσ τῷ δέρματι τοῦ λέοντοσ. ἐκείνῳ μὲν οὖν ἐπίδειξισ ἦν φορούμενον ἡλίκου τὸ μέγεθοσ θηρίου κρατήσειεν, οὗτοσ δὲ τὴν κορύνην ἐπεδείκνυεν ἡττημένην μὲν ὑπ’ αὐτοῦ, μετ’ αὐτοῦ δὲ ἀήττητον οὖσαν. ἐν δ’ Ἰσθμῷ Σίνιν τὸν πιτυοκάμπτην ᾧ τρόπῳ πολλοὺσ ἀνῄρει, τούτῳ διέφθειρεν αὐτόσ, οὐ μεμελετηκὼσ οὐδ’ εἰθισμένοσ, ἐπιδείξασ δὲ τὴν ἀρετὴν ὅτι καί τέχνησ περίεστι καὶ μελέτησ ἁπάσησ.

ἦν δὲ τῷ Σίνιδι καλλίστη καὶ μεγίστη θυγάτηρ, ὄνομα Περιγούνη. ταύτην τοῦ πατρὸσ ἀνῃρημένου φυγοῦσαν ἐζήτει περιϊὼν ὁ Θησεύσ· ἡ δ’ εἰσ τόπον ἀπελθοῦσα λόχμην ἔχοντα πολλὴν στοιβήν τε πλείστην καὶ ἀσφάραγον, ἀκάκωσ πάνυ καὶ παιδικῶσ ὥσπερ αἰσθανομένων δεομένη προσεύχετο μεθ’ ὁρ́κων, ἂν σώσωσιν αὐτὴν καὶ ἀποκρύψωσι, μηδέποτε λυμανεῖσθαι μηδὲ καύσειν. ἀνακαλουμένου δὲ τοῦ Θησέωσ καὶ πίστιν διδόντοσ ὡσ ἐπιμελήσεται καλῶσ αὐτῆσ καὶ οὐδὲν ἀδικήσει, προῆλθε·

καὶ τῷ μὲν Θησεῖ συγγενομένη Μελάνιππον ἔτεκε, Δηϊονεῖ δὲ τῷ Εὐρύτου τοῦ Οἰχαλιέωσ ὕστερον συνῴκησε, Θησέωσ δόντοσ. ἐκ δὲ Μελανίππου τοῦ Θησέωσ γενόμενοσ Ιὤξοσ Ὀρνύτῳ τῆσ εἰσ Καρίαν ἀποικίασ μετέσχεν· ὅθεν Ιὠξίδαισ καὶ Ιὠξίσι πάτριον κατέστη μήτε ἄκανθαν ἀσφαράγου μήτε στοιβὴν καίειν, ἀλλὰ σέβεσθαι καὶ τιμᾶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 8

(플루타르코스, chapter 8)

상위

목록

SEARCH

MENU NAVIGATION