헬라어 문장 검색 - Πλυταρ́Θυομοδο

(플루타르코스, Quomodo quis suos in virtute sentiat profectus, chapter, section 12)

ὁρ́α δὴ καὶ τὸ τοῦ Ζήνωνοσ ὁποῖόν ἐστιν. προκόπτοντοσ, εἰ μήθ’ ἡδόμενον αἰσχρῷ τινι ἑαυτὸν μήτε τι προσιέμενον ἢ πράττοντα τῶν δεινῶν καὶ ἀτόπων ὁρᾷ κατὰ τοὺσ ὕπνουσ, ἀλλ’ οἱο͂ν ἐν βυθῷ γαλήνησ ἀκλύστου καταφανεῖ διαλάμπει τῆσ ψυχῆσ τὸ φανταστικὸν καὶ παθητικὸν διακεχυμένον ὑπὸ τοῦ λόγου.

τοῦτο δὲ καὶ Πλάτων, ὡσ ἐοίκε, συνιδὼν πρότεροσ ἐξεμόρφωσε καὶ διετύπωσε τῆσ φύσει τυραννικῆσ ψυχῆσ τὸ φανταστικὸν καὶ ἄλογον οἱᾶ κατὰ τοὺσ ὕπνουσ δρᾷ.

καὶ πρὸσ βρώσεισ ὁρμᾷ παντοδαπάσ, παρανομοῦν καὶ χρώμενον ἑαυτοῦ ταῖσ ἐπιθυμίαισ οἱο͂ν λελυμέναισ, ἃσ μεθ’ ἡμέραν ὁ νόμοσ αἰσχύνῃ καὶ φόβῳ καθείργνυσιν. ὥσπερ οὖν τὰ·

πεπαιδευμένα καλῶσ τῶν ὑποζυγίων, οὐδ’ ἂν ἀφῇ τὰσ ἡνίασ; ἀπολείπειν τὴν ὁδόν, ἀλλ’ ὥσπερ εἴθισται πρόεισιν ἐν τάξει, διαφυλάττοντα τὴν πορείαν ἄπταιστον, οὕτωσ οἷσ ἂν εὐπειθὲσ τὸ ἄλογον ἤδη καὶ πρᾶον γεγονὸσ ὑπὸ τοῦ λόγου καὶ κεκολασμένον, οὔτε καθ’ ὕπνουσ οὔθ’ ὑπὸ νόσων ἔτι ῥᾳδίωσ ἐξυβρίζειν ἢ παρανομεῖν ἐθέλει ταῖσ ἐπιθυμίαισ, ἀλλὰ τηρεῖ καὶ διαμνημονεύει τὸν ἐθισμόν, ἰσχὺν ἐμποιοῦντα τῇ προσοχῇ καὶ τόνον.

εἰ γὰρ καὶ τὸ σῶμα τῇ ἀσκήσει τῆσ ἀπαθείασ ὑπήκοον ἑαυτὸ καὶ τὰ μέρη παρέχειν πέφυκεν, ὡσ ὀφθαλμούσ τε πρὸσ οἶκτον ἴσχεσθαι δακρύων καὶ καρδίαν πηδήματοσ ἐν φόβοισ, αἰδοῖὰ τε σωφρόνωσ ἔχειν ἀτρέμα καὶ μηδὲν ἐνοχλεῖν παρὰ καλοῖσ ἢ καλαῖσ, πῶσ οὐ μᾶλλον εἰκόσ;

ἐστι τῆσ ψυχῆσ τοῦ παθητικοῦ τὴν ἄσκησιν ἐπιλαβομένην οἱο͂ν ἐκλεαίνειν καὶ συσχηματίζειν τὰ φαντάσματα καὶ τὰ κινήματα μέχρι τῶν ὕπνων πιέζουσαν;

οἱᾶ λέγεται καὶ περὶ τοῦ φιλοσόφου Στίλπωνοσ, ὃσ ἰδεῖν ἔδοξε κατὰ τοὺσ ὕπνουσ ὀργιζόμενον αὐτῷ τὸν Ποσειδῶνα μὴ θύσαντι βοῦν, ὥσπερ ἔθοσ ἦν Μεγαρεῦσιν·

"ὦ Πόσειδον;

"ὥσπερ παῖσ ἥκεισ μεμψιμοιρῶν ὅτι μὴ δανεισάμενοσ ἐνέπλησα κνίσησ τὴν πόλιν, ἀλλ’ ἀφ’ ὧν εἶχον ἔθυσά σοι μετρίωσ οἴκοθεν; καὶ μέντοι δοκεῖν αὐτῷ τὸν Ποσειδῶνα μειδιάσαντα τὴν δεξιὰν προτεῖναι καὶ εἰπεῖν ὡσ ἀφύων φορὰν Μεγαρεῦσι ποιήσει δι’ ἐκεῖνον.

ταῦτα τῆσ προκοπῆσ ἀπαυγασμούσ τινασ εἶναι λέγουσιν, οἴστρουσ δὲ καὶ πτοίασ καὶ φυγὰσ ἀγεννεῖσ καὶ παιδικὰσ περιχαρείασ καὶ ὀλοφύρσεισ ἐνυπνίων οἰκτρῶν καὶ ἀλλοκότων ῥαχίαισ τέ τισι καὶ σάλοισ ἐοικέναι, ψυχῆσ οὔπω τὸ κοσμοῦν ἐχούσησ οἰκεῖον, ἀλλὰ πλαττομένησ ἔτι·

δόξαισ καὶ νόμοισ, ὧν ἀπωτάτω γιγνομένη κατὰ τοὺσ ὕπνουσ·

αὖθισ ἀναλύεται καὶ ἀνελίττεται τοῖσ πάθεσι.

ταῦτα μὲν οὖν συνεπισκόπει καὶ αὐτόσ, εἴτε προκοπῆσ ἐστιν εἴτε τινὸσ ἕξεωσ ἤδη βεβαιότητα καὶ κράτοσ ἐχούσησ ἐπὶ τοῖσ λόγοισ ἀσάλευτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quomodo quis suos in virtute sentiat profectus, chapter, section 12

(플루타르코스, Quomodo quis suos in virtute sentiat profectus, chapter, section 12)

상위

목록

SEARCH

MENU NAVIGATION