헬라어 문장 검색 - Πλυταρ́Θυαεστι

(플루타르코스, Quaestiones Convivales, book 6, Τίσ αἰτία, δι’ ἣν ψαθυρὰ γίγνεται ταχὺ τὰ ἐκ συκῆσ κρεμαννύμενα τῶν ἱερείων)

ὁ Ἀριστίωνοσ εὐημέρει παρὰ τοῖσ δειπνοῦσι μάγειροσ, ὡσ τὰ τ’ ἄλλα χαριέντωσ ὀψοποιήσασ καὶ τὸν ἄρτι τῷ Ἡρακλεῖ τεθυμένον ἀλεκτρυόνα παραθεὶσ ἁπαλὸν ὥσπερ χθιζόν, νεαρὸν ὄντα καὶ πρόσφατον. εἰπόντοσ;

οὖν τοῦ Ἀριστίωνοσ, ὅτι τοῦτο γίγνεται ταχέωσ, εἰ σφαγεὶσ εὐθὺσ ἀπὸ τῆσ συκῆσ κρεμασθείη, τὴν αἰτίαν ἐζητοῦμεν. ὅτι μὲν δὴ πνεῦμα τῆσ συκῆσ ἄπεισιν ἰσχυρὸν καὶ σφοδρόν, ἥ τ’ ὄψισ ἐκμαρτυρεῖ καὶ τὸ περὶ τῶν ταύρων λεγόμενον, ὡσ ἄρα συκῇ προσδεθεὶσ ὁ χαλεπώτατοσ, ἡσυχίαν ἄγει καὶ ψαύσεωσ ἀνέχεται, καὶ ὅλωσ ἀφίησι τὸν θυμὸν ὥσπερ ἀπομαραινόμενον.

τὴν δὲ πλείστην αἰτίαν καὶ δύναμιν ἡ δριμύτησ εἶχε·

αὐτὸ καὶ τὸ ξύλον καὶ τὸ θρῖον ἀναπεπλῆσθαι·

διὸ καόμενόν τε τῷ καπνῷ δάκνει μάλιστα καὶ κατακαυθέντοσ ἡ τέφρα ῥυπτικωτάτην παρέχει κόνιν·

ταὐτὰ δὲ πάντα θερμότητοσ. καὶ τὴν πῆξιν ἐμποιεῖν τῷ γάλακτι τὸν ὀπὸν οἰόνταί τινεσ, οὐ σκαληνίᾳ σχημάτων περιπλέκοντα καὶ κολλῶντα τὰ μέρη τοῦ γάλακτοσ, ἐκθλιβομένων ἐπιπολῆσ τῶν λείων καὶ περιφερῶν, ἀλλὰ καὶ ὑπὸ θερμότητοσ ἐκτήκοντα τοῦ ὑγροῦ τὸ ἀσύστατον καὶ ὑδατῶδεσ. τεκμήριον δὲ καὶ τὸ ἄχρηστον γλυκὺ εἶναι τὸν ὀπόν, ἀλλὰ πωμάτων φαυλότατον·

οὐ γὰρ τὸ λεῖον ὑπὸ τῶν σκαληνῶν, ἀλλὰ τὸ ψυχρὸν ἔστη καὶ ἄπεπτον ὑπὸ τῆσ θερμότητοσ. καὶ πρὸσ τοῦτο συνεργοῦσιν οἱ ἅλεσ·

θερμοὶ γάρ εἰσι·

πρὸσ δὲ τὴν λεγομένην περιπλοκὴν καὶ σύνδεσιν ἀντιπράττουσι διάλυσιν διαλύειν γὰρ μάλιστα πεφύκασι. θερμὸν οὖν πνεῦμα καὶ δριμὺ καὶ τμητικὸν ἀφίησιν ἡ συκῆ· καὶ τοῦτο θρύπτει καὶ πεπαίνει τὴν σάρκα τοῦ ὄρνιθοσ. ταὐτὸ δὲ πάσχει καὶ πυρῶν ἐντεθεὶσ σιρῷ καὶ νίτρῳ συνημμένοσ, ὑπὸ θερμότητοσ. ὅτι δ̓ ὁ πυρὸσ ἔχει τι θερμόν, τεκμαίρονται τοῖσ ἀμφορεῦσιν, ὧν ἐντιθεμένων εἰσ σιρὸν ἐξαναλίσκεται ταχέωσ ὁ οἶνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 6, Τίσ αἰτία, δι’ ἣν ψαθυρὰ γίγνεται ταχὺ τὰ ἐκ συκῆσ κρεμαννύμενα τῶν ἱερείων

(플루타르코스, Quaestiones Convivales, book 6, Τίσ αἰτία, δι’ ἣν ψαθυρὰ γίγνεται ταχὺ τὰ ἐκ συκῆσ κρεμαννύμενα τῶν ἱερείων)

상위

목록

SEARCH

MENU NAVIGATION