Plutarch, Quaestiones Convivales, book 6, Τίσ ἡ αἰτία, δι’ ἣν οἱ νηστεύοντεσ διψῶσι μᾶλλον ἢ πεινῶσιν.

(플루타르코스, Quaestiones Convivales, book 6, Τίσ ἡ αἰτία, δι’ ἣν οἱ νηστεύοντεσ διψῶσι μᾶλλον ἢ πεινῶσιν.)

ἕκτον οὖν τοῦτό σοι πέμπω τῶν Συμποσιακῶν, ἐν ᾧ πρῶτόν ἐστι τὸ περὶ τοῦ διψῆν μᾶλλον ἢ πεινῆν τοὺσ νηστεύοντασ. ἄλογον γὰρ ἐφαίνετο διψῆν μᾶλλον ἢ πεινῆν τοὺσ ἐκνηστεύσαντασ· ἔνδεια τῆσ ξηρᾶσ τροφῆσ ἀναπλήρωσιν οἰκείαν ἐδόκει καὶ κατὰ φύσιν ἐπιζητεῖν.

ἔλεγον οὖν ἐγὼ τοῖσ παροῦσιν, ὅτι τῶν ἐν ἡμῖν ἢ μόνον ἢ μάλιστα δεῖται τροφῆσ τὸ θερμόν ὥσπερ ἀμέλει βλέπομεν ἔξω μήτ’ ἀέρα μήθ’ ὕδωρ μήτε γῆν ἐφιέμενα τοῦ τρέφεσθαι μηδ’ ἀναλίσκοντα τὸ πλησιάζον, ἀλλὰ μόνον τὸ πῦρ. ᾗ καὶ τὰ νέα βρωτικώτερα τῶν πρεσβυτέρων ὑπὸ θερμότητοσ· καὶ τοὐναντίον οἱ γέροντεσ ῥᾷστα νηστείαν φέρουσιν·

τῶν ζῴων, ἃ δὴ καὶ τροφῆσ ἣκιστα προσδεῖται δι’ ἔνδειαν θερμότητοσ·

αὐτὸν θ’ ἕκαστον αὑτοῦ γυμνάσια καὶ κραυγαὶ καὶ ὅσα τῷ κινεῖν αὔξει τὸ θερμόν, ἥδιον φαγεῖν ποιεῖ καὶ προθυμότερον τροφὴ δὲ τῷ θερμῷ, καθάπερ νομίζω, ὃ πρῶτον κατὰ φύσιν, μάλιστα τὸ ὑγρόν ἐστιν, ὡσ αἵ τε φλόγεσ αὐξανόμεναι τῷ ἐλαίῳ δηλοῦσι καὶ τὸ πάντων ξηρότατον εἶναι τέφραν·

ἐκκέκαυται γὰρ τὸ νοτερόν, τὸ δὲ γεῶδεσ ἔρημον ἰκμάδοσ λέλειπται·

καὶ ὁμοίωσ διίστησι καὶ διαιρεῖ τὰ σώματα τὸ πῦρ τῷ ἐξαιρεῖν τὴν κολλῶσαν ὑγρότητα καὶ συνδέουσαν. τροφῆσ ἀποσπᾶται βίᾳ τὸ ὑγρὸν ὑπὸ τοῦ θερμοῦ τὸ πρῶτον, εἶτ’ ἐπ’ αὐτὴν βαδίζει τὴν σύμφυτον λιβάδα τῆσ σαρκὸσ ἡ πύρωσισ διώκουσα τὸ νοτερόν·

πιόντων ἀναρρωσθὲν καὶ ἰσχῦσαν τὸ θερμὸν ἐμβριθοῦσ τροφῆσ ὄρεξιν ἐργάσηται.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION