헬라어 문장 검색 - Πλυταρ́Θυαεστι

(플루타르코스, Quaestiones Convivales, book 6, Πότερον ἔνδεια ποιεῖ τὸ πεινῆν καὶ διψῆν ἢ πόρων μετασχηματισμόσ. 9:)

"τὸ γὰρ ᾧ διαφέρει μάλιστα τὸ ζῷον τοῦ ἀψύχου, τοῦτο μὴ φάναι πρὸσ σωτηρίαν καὶ διαμονὴν ὑπάρχειν ἡμῖν, ὥσπερ ὄμμα τῶν οἰκείων τῷ σώματι καὶ δεόντων ἐγγεγενημένον, ἀλλὰ πάθοσ εἶναι καὶ τροπήν τινα πόρων οἰέσθαι μεγέθεσι καὶ μικρότησι συμβαίνουσαν, εἰσ οὐδέν’ ἦν λόγον ἁπλῶσ τιθεμένων τὴν φύσιν. "ἔπειτα ῥιγοῦν ἐνδείᾳ θερμότητοσ οἰκείασ τὸ σῶμα, μηκέτι δὲ διψῆν μηδὲ πεινῆν ὑγρότητοσ ἐνδείᾳ τῆσ κατὰ φύσιν καὶ τροφῆσ, ἄλογόν ἐστι· "τούτου δ’ ἀλογώτερον, εἰ κενώσεωσ μὲν ἐφίεται διὰ πλήρωσιν ἡ φύσισ, πληρώσεωσ δ’ οὐ διὰ κένωσιν, ἀλλ’ ἑτέρου τινὸσ πάθουσ ἐγγενομένου. "καὶ μὴν αἵ γε τοιαῦται περὶ τὰ ζῷα χρεῖαι καὶ ἀναπληρώσεισ οὐθέν τι τῶν περὶ τὰσ γεωργίασ γιγνομένων διαφέρουσι· "πολλὰ γὰρ ὅμοια πάσχει καὶ βοηθεῖται· "πρὸσ μὲν γὰρ τὰσ ξηρότητασ ἀρδείαισ ποτιζόμενα, καὶ ψυχόμενα μετρίωσ, ὅταν φλέγηται· "ῥιγοῦντα δ’ αὐτὰ θάλπειν πειρώμεθα καὶ σκέπειν πόλλ’ ἄττα περιβάλλοντεσ· "καὶ ὅσα μὴ παρ’ ἡμᾶσ ἐστιν, εὐχόμεθα τὸν θεὸν διδόναι, δρόσουσ μαλακὰσ καὶ εἰλήσεισ ἐν πνεύμασι μετρίοισ, ὡσ ἀεὶ τοῦ ἀπολείποντοσ ἀναπλήρωσιν ἡ φύσισ ἔχοι, διατηροῦσα τὴν κρᾶσιν. "οὕτω γὰρ οἶμαι καὶ τροφὴν ὠνομάσθαι τὸ τηροῦν τὴν φύσιν· "τηρεῖται δὲ τοῖσ μὲν φυτοῖσ ἀναισθήτωσ ἐκ τοῦ περιέχοντοσ, ὥσ φησιν Ἐμπεδοκλῆσ, ὑδρευομένοισ τὸ πρόσφορον· "ἡμᾶσ δ’ ἡ ὄρεξισ ζητεῖν διδάσκει καὶ διώκειν τὸ ἐκλεῖπον τῆσ κράσεωσ. "οὐ μὴν ἀλλὰ καὶ τῶν εἰρημένων ἕκαστον ἴδωμεν ὡσ οὐκ ἀληθέσ ἐστι. "τὰ μὲν γὰρ εὐστομίαν ἔχοντα καὶ δριμύτητα τάχα μὲν οὐκ ὄρεξιν, ἀλλὰ δηγμὸν ἐμποιεῖ τοῖσ δεκτικοῖσ μέρεσι τῆσ τροφῆσ, οἱο͂ν κνησμοὶ κατὰ θίξιν ἐνίων ἀμυσσόντων· "εἰ δὲ καὶ τοῦτο τὸ πάθοσ ὀρεκτικόν ἐστιν, εἰκόσ ἐστιν ὑπὸ τῶν τοιούτων βρωμάτων λεπτυνόμενα διακρίνεσθαι τὰ προϋπόντα, καὶ ποιεῖν μὲν ἔνδειαν, οὐ μεταρρυθμιζομένων δὲ τῶν πόρων ἀλλὰ κενουμένων καὶ καθαιρομένων τὰ γὰρ ὀξέα καὶ δριμέα καὶ ἁλμυρὰ θρύπτοντα τὴν ὕλην διαφορεῖ καὶ σκίδνησιν, ὥστε νεαρὰν ποιεῖν τὴν ὄρεξιν ἐκθλιβομένων τῶν ἑώλων καὶ χθιζῶν. τῶν δὲ λουομένων οὐ μετασχηματιζόμενοι παύουσιν οἱ πόροι τὸ δίψοσ, ἀλλ’ ἰκμάδα διὰ τῆσ σαρκὸσ ἀναλαμβάνοντεσ καὶ ἀναπιμπλάμενοι νοτερᾶσ ἀτμίδοσ. "οἱ δ’ ἔμετοι τἀλλότριον ἐκβάλλοντεσ ἀπόλαυσιν τῇ φύσει τοῦ οἰκείου παρέσχον. "οὐ γὰρ ἁπλῶσ τοῦ ὑγροῦ τὸ δίψοσ, ἀλλὰ τοῦ κατὰ φύσιν καὶ οἰκείου διό, κἂν πολὺ παρῇ τὸ ἀλλόφυλον, ἐνδεὴσ ὁ ἄνθρωπόσ ἐστιν· "ἐνίσταται γὰρ τοῖσ κατὰ φύσιν ὑγροῖσ, ὧν ἡ ὄρεξίσ ἐστι, καὶ οὐ δίδωσιν ἀνάμιξιν οὐδὲ κατάκρασιν, ἄχρι ἂν ἐκστῇ καὶ ἀποχωρήσῃ· "τότε δ’ οἱ πόροι τὸ σύμφυλον ἀναλαμβάνουσιν. "οἱ δὲ πυρετοὶ τὸ ὑγρὸν εἰσ βάθοσ ἀπωθοῦσι· "καὶ τῶν μέσων φλεγομένων, ἐκεῖ πᾶν ἀποκεχώρηκε καὶ κρατεῖται πεπιεσμένον ὅθεν ἐμεῖν τε πολλοὺσ ἅμα συμβαίνει, πυκνότητι τῶν ἐντὸσ ἀναθλιβόντων τὰ ὑγρά, καὶ διψῆν δι’ ἔνδειαν καὶ ξηρότητα τοῦ λοιποῦ σώματοσ. "ὅταν οὖν ἄνεσισ γένηται καὶ τὸ θερμὸν ἐκ τῶν μέσων ἀπίῃ, σκιδνάμενον αὖθισ ὑπονοστεῖ καὶ διιόν, ὡσ πέφυκε, πάντῃ τὸ νοτερὸν ἅμα τοῖσ· "τε μέσοισ ῥᾳστώνην παρέσχε, καὶ τὴν σάρκα λείαν καὶ ἁπαλὴν ἀντὶ τραχείασ καὶ αὐχμώδουσ γενομένην ἐμάλαξε, πολλάκισ δὲ καὶ ἱδρῶτασ ἐπήγαγεν· "ὅθεν ἡ ποιοῦσα διψῆν ἔνδεια λήγει καὶ παύεται, τῆσ ὑγρότητοσ ἀπὸ τοῦ βαρυνομένου καὶ δυσαναβλαυτοῦντοσ ἐπὶ τὸν δεόμενον καὶ ποθοῦντα μεθισταμένησ τόπον. "ὡσ γὰρ ἐν κήπῳ, φρέατοσ ἄφθονον ὕδωρ ἔχοντοσ, εἰ μὴ τισ ἐπαντλοῖ καὶ ἄρδοι τὰ φυτά, διψῆν καὶ ἀτροφεῖν ἀναγκαῖόν ἐστιν· "οὕτωσ ἐν σώματι, τῶν ὑγρῶν εἰσ ἕνα κατασπωμένων τόπον, οὐ θαυμαστὸν ἔνδειαν εἶναι περὶ τὰ λοιπὰ καὶ ξηρότητα, μέχρι οὗ πάλιν ἐπιρροὴ καὶ διάχυσισ γένηται· "καθάπερ καὶ ἐπὶ τῶν πυρεττόντων, ὅταν ἀνεθῶσι, συμβαίνει καὶ τῶν ἐγκαταδαρθανόντων τῷ διψῆν· "καὶ γὰρ τούτοισ ὁ ὕπνοσ ἐκ μέσων ἐπανάγων τὰ ὑγρὰ καὶ διανέμων πάντῃ τοῖσ μέρεσιν ὁμαλισμὸν ἐμποιεῖ καὶ ἀναπλήρωσιν. "ὁ γὰρ δὴ λεγόμενοσ τῶν πόρων μετασχηματισμὸσ οὗτοσ, ᾧ τὸ πεινῆν ἢ τὸ διψῆν ἐγγίνηται, ποῖὸσ τίσ ἐστιν; "ἐγὼ μὲν γὰρ οὐχ ὁρῶ περὶ πόρουσ διαφορὰσ ἄλλασ κατὰ πάθοσ ἢ τὸ συμπίπτειν καὶ τὸ διίστασθαι· "καὶ συμπίπτοντεσ μὲν· "οὔτε ποτὸν οὔτε τροφὴν δέχεσθαι δύνανται, διιστάμενοι δὲ κενότητα καὶ χώραν ποιοῦσιν, ἔνδειαν οὖσαν τοῦ κατὰ φύσιν καὶ οἰκείου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 6, Πότερον ἔνδεια ποιεῖ τὸ πεινῆν καὶ διψῆν ἢ πόρων μετασχηματισμόσ. 9:

(플루타르코스, Quaestiones Convivales, book 6, Πότερον ἔνδεια ποιεῖ τὸ πεινῆν καὶ διψῆν ἢ πόρων μετασχηματισμόσ. 9:)

상위

목록

SEARCH

MENU NAVIGATION