헬라어 문장 검색 - Πλυταρ́Πυβλιξό17́

(플루타르코스, Publicola, chapter 17)

ἐπικειμένου δὲ Πορσίνα τῇ πόλει καί λιμὸσ ἥπτετο τῶν Ῥωμαίων, καί Τυρρηνῶν ἕτεροσ στρατὸσ αὐτὸσ καθ’ αὑτὸν εἰσ τὴν χώραν ἐνέβαλε. Ποπλικόλασ δὲ τὸ τρίτον ὑπατεύων Πορσίνᾳ μὲν ἀτρεμῶν καί φυλάττων τὴν πόλιν ᾤετο δεῖν ἀντέχειν, τοῖσ δὲ Τυρρηνοῖσ ἐπεξῆλθε καί συμβαλὼν ἐτρέψατο καί πεντακισχιλίουσ αὐτῶν ἀνεῖλε. τὸ δὲ περὶ Μούκιον εἴρηται μὲν ὑπὸ πολλῶν καὶ διαφόρωσ, λεκτέον δὲ ᾗ μάλιστα πιστεύεται καί ἡμῖν. ἦν ἀνὴρ εἰσ πᾶσαν ἀρετὴν ἀγαθόσ, ἐν δὲ τοῖσ πολεμικοῖσ ἄριστοσ·

ἐπιβουλεύων δὲ τὸν Πορσίναν ἀνελεῖν παρεισῆλθεν εἰσ τὸ στρατόπεδον Τυρρηνίδα φορῶν ἐσθῆτα καί φωνῇ χρώμενοσ ὁμοία περιελθὼν δὲ τὸ βῆμα τοῦ βασιλέωσ καθεζομένου, καί σαφῶσ μὲν αὑτὸν οὐκ εἰδώσ, ἐρέσθαι δὲ περὶ αὐτοῦ δεδιώσ, ἐν ᾠήθη μάλιστα τῶν συγκαθεζομένων ἐκεῖνον εἶναι σπασάμενοσ τὸ ξίφοσ ἀπέκτεινεν. ἐπὶ τούτῳ δὲ συλληφθεὶσ ἀνεκρίνετο·

καί τινοσ ἐσχαρίδοσ πῦρ ἐχούσησ μέλλοντι τῷ Πορσίνᾳ θύειν κεκομισμένησ, ὑπερσχὼν τὴν δεξιὰν χεῖρα καιομένησ τῆσ σαρκὸσ εἱστήκει πρὸσ τὸν Πορσίναν ἀποβλέπων ἰταμῷ καί ἀτρέπτῳ τῷ προσώπῳ, μέχρι οὗ θαυμάσασ ἀφῆκεν αὑτὸν καί τὸ ξίφοσ ἀποδιδοὺσ ὤρεξεν ἀπὸ τοῦ βήματοσ· ὁ δὲ τὴν εὐώνυμον προτείνασ ἐδέξατο. καί διὰ τοῦτό φασιν αὐτῷ γενέσθαι τὸν Σκαιόλαν ἐπίκλησιν, ὅπερ ἐστὶ Λαιόν. ἔφη δὲ τὸν φόβον τοῦ Πορσίνα νενικηκὼσ ἡττᾶσθαι τῆσ ἀρετῆσ, καί χάριτι μηνύειν ἃ πρὸσ ἀνάγκην οὐκ ἂν ἐξηγόρευσε.

"τὴν αὐτὴν ἐμοὶ γνώμην ἔχοντεσ ἐν τῷ στρατοπέδῳ σου πλανῶνται καιρὸν ἐπιτηροῦντεσ· "ἐγὼ δὲ κλήρῳ λαχὼν καί προεπιχειρήσασ οὐκ ἄχθομαι τῇ τύχῃ, διαμαρτὼν ἀνδρὸσ ἀγαθοῦ καί φίλου μᾶλλον ἢ πολεμίου Ῥωμαίοισ εἶναι πρέποντοσ" ταῦθ’ ὁ Πορσίνασ ἀκούσασ ἐπίστευσε καί πρὸσ τὰσ διαλύσεισ ἥδιον ἔσχεν, οὐ τοσοῦτό, μοι δοκεῖ, φόβῳ τῶν τριακοσίων, ὅσον ἀγασθεὶσ καί θαυμάσασ τὸ φρόνημα, καὶ τὴν ἀρετὴν τῶν Ῥωμαίων. τοῦτον τὸν ἄνδρα Μούκιον ὁμοῦ τι πάντων καὶ Σκαιόλαν καλούντων Ἀθηνόδωροσ ὁ Σάνδωνοσ ἐν τῷ πρὸσ Ὀκταουίαν τὴν Καίσαροσ ἀδελφὴν καὶ Ὀψίγονον ὠνομάσθαι φησίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Publicola, chapter 17

(플루타르코스, Publicola, chapter 17)

상위

목록

SEARCH

MENU NAVIGATION