헬라어 문장 검색 - Πλυταρ́Πηιλοπό19́

(플루타르코스, Philopoemen, chapter 19)

οἱ δ’ ἐν τῇ πόλει τῇ μὲν ἀγγελίᾳ θαυμαστῶσ ἐπαρθέντεσ ἠθροίζοντο περὶ τὰσ πύλασ· ὡσ δὲ εἶδον ἑλκόμενον τὸν Φιλοποίμενα παρ’ ἀξίαν τῆσ τε δόξησ καὶ τῶν ἔμπροσθεν ἔργων καὶ τροπαίων, ἠλέησαν οἱ πλεῖστοι καὶ συνήλγησαν, ὥστε καὶ δακρῦσαι καὶ τὴν ἀνθρωπίνην ἐκφλαυρίσαι δύναμιν ὡσ ἄπιστον καὶ τὸ μηδὲν οὖσαν. οὕτω δὲ κατὰ μικρὸν εἰσ πολλοὺσ φιλάνθρωποσ ἐχώρει λόγοσ ὡσ μνημονευτέον εἰή τῶν πρόσθεν εὐεργεσιῶν, καὶ τῆσ ἐλευθερίασ ἣν ἀπέδωκεν αὐτοῖσ Νάβιν ἐξελάσασ τὸν τύραννον.

οὐ μὴν ἀλλὰ κομίσαντεσ αὐτὸν εἰσ τὸν καλούμενον Θησαυρόν, οἴκημα κατάγειον οὔτε πνεῦμα λαμβάνον οὔτε φῶσ ἔξωθεν οὔτε θύρασ ἔχον, ἀλλὰ μεγάλῳ λίθῳ περιαγομένῳ κατακλειόμενον, ἐνταῦθα κατέθεντο, καὶ τὸν λίθον ἐπιρράξαντεσ ἄνδρασ ἐνόπλουσ κύκλῳ περιέστησαν.

ἔπειτα προϊόντεσ ἅμα καὶ πολυπραγμονοῦντεσ ἐπύθοντο τὴν σύλληψιν αὐτοῦ καὶ διήγγελλον εἰσ τὰσ πόλεισ τῶν Ἀχαιῶν, οἱ δὲ συμφορὰν ποιούμενοι μεγάλην ἀπαιτεῖν μὲν ἔγνωσαν τὸν ἄνδρα παρὰ τῶν Μεσσηνίων πρεσβείαν πέμψαντεσ, αὐτοὶ δὲ παρεσκευάζοντο στρατεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Philopoemen, chapter 19

(플루타르코스, Philopoemen, chapter 19)

상위

목록

SEARCH

MENU NAVIGATION