헬라어 문장 검색 - Πλυταρ́Οτηό13́

(플루타르코스, Otho, chapter 13)

τῶν δὲ στρατηγῶν οὔτε Πρόκλοσ οὔτε Παυλῖνοσ συνεισελθεῖν ἐτόλμησαν, ἀλλ’ ἐξέκλιναν φοβούμενοι τοὺσ στρατιώτασ ἤδη τὴν αἰτίαν ἐπὶ τοὺσ στρατηγοὺσ τρέποντασ. Ἄννιοσ δὲ Γάλλοσ ἀνελάμβανεν ἐν τῇ πόλει καὶ παρεμυθεῖτο τοὺσ ἐκ τῆσ μάχησ συλλεγομένουσ, ὡσ ἀγχωμάλου γεγενημένησ καὶ πολλοῖσ κεκρατηκότασ μέρεσι τῶν πολεμίων. Μάριοσ δὲ Κέλσοσ τοὺσ ἐν τέλει συναγαγὼν ἐκέλευσε σκοπεῖν τὸ κοινόν, ὡσ ἐπὶ συμφορᾷ τηλικαύτῃ καὶ φόνῳ τοσούτῳ πολιτῶν μηδὲ Ὄθωνοσ, εἴπερ ἀνὴρ ἀγαθόσ ἐστιν, ἐθελήσοντοσ ἔτι πειρᾶσθαι τῆσ τύχησ, ὅπου καὶ Κάτων καὶ Σκηπίων, Καίσαρι κρατοῦντι μετὰ Φάρσαλον εἶξαι μὴ θελήσαντεσ, αἰτίαν ἔχουσιν ὡσ πολλοὺσ καὶ ἀγαθοὺσ ἄνδρασ ἐν Λιβύῃ παραναλώσαντεσ οὐκ ἀναγκαίωσ, καίπερ ἀγωνιζόμενοι περὶ τῆσ Ῥωμαίων ἐλευθερίασ, τὰ γὰρ ἄλλα κοινὴν ἡ τύχη παρέχουσα πᾶσιν ἑαυτὴν ἓν οὐκ ἀφαιρεῖται τῶν ἀγαθῶν, τὸ κἂν πταίσωσιν εὐλογιστεῖν πρὸσ τὰ συντυγχάνοντα.

ταῦτα λέγων ἔπειθε τοὺσ ἡγεμονικούσ, ἐπεὶ δὲ πειρώμενοι τοὺσ στρατιώτασ ἑώρων εἰρήνησ δεομένουσ καὶ Τιτιανὸσ ἐκέλευε πρεσβεύειν ὑπὲρ ὁμονοίασ, ἔδοξε Κέλσῳ καὶ Γάλλῳ βαδίζειν καὶ διαλέγεσθαι τοῖσ περὶ τὸν Κεκίναν καὶ Οὐάλεντα, βαδίζουσι δὲ αὐτοῖσ ἀπήντησαν ἑκατοντάρχαι τὴν μὲν δύναμιν ἤδη κεκινημένην λέγοντεσ ἐρχομένην ἐπὶ τὸ Βητριακόν, αὐτοὶ δὲ ὑπὸ τῶν στρατηγῶν ἀπεστάλθαι περὶ ὁμονοίασ, ἐπαινέσαντεσ οὖν οἱ περὶ τὸν Κέλσον ἐκέλευσαν αὐτοὺσ ἀναστρέψαντασ πάλιν ἀπαντᾶν μετ’ αὐτῶν τοῖσ περὶ τὸν Κεκίναν.

ἐπεὶ δὲ ἐγγὺσ ἦσαν, ἐκινδύνευσεν ὁ Κέλσοσ.

ἔτυχον γὰρ οἱ περὶ τὴν ἐνέδραν ἡττημένοι πρότερον ἱππεῖσ προεξελαύνοντεσ. ὡσ οὖν προσιόντα τὸν Κέλσον κατεῖδον, εὐθὺσ βοήσαντεσ ὡρ́μησαν ἐπ αὐτόν, οἱ δὲ ἑκατοντάρχαι προέστησαν ἀνείργοντεσ·

καὶ τῶν ἄλλων λοχαγῶν φείδεσθαι βοώντων οἱ περὶ τὸν Κεκίναν πυθόμενοι καὶ προσελάσαντεσ τὴν ἀκοσμίαν ταχὺ τῶν ἱππέων ἔπαυσαν, τὸν δὲ Κέλσον ἀσπασάμενοι φιλοφρόνωσ ἐβάδιζον μετ’ αὐτῶν εἰσ τὸ Βητριακόν. ἐν δὲ τούτῳ μετάνοια Τιτιανὸν ἔσχεν ἐκπέμψαντα τοὺσ πρέσβεισ·

καὶ τῶν στρατιωτῶν τοὺσ θρασυνομένουσ αὖθισ ἀνεβίβαζεν ἐπὶ τὰ τείχη καὶ τοὺσ ἄλλουσ παρεκάλει βοηθεῖν. τοῦ δὲ Κεκίνα προσελάσαντοσ τῷ ἵππῳ καὶ τὴν δεξιὰν ὀρέγοντοσ οὐδεὶσ ἀντέσχεν, ἀλλ’ οἱ μὲν ἀπὸ τῶν τειχῶν ἠσπάζοντο τοὺσ στρατιώτασ, οἱ δὲ τὰσ πύλασ ἀνοίξαντεσ ἐξῄεσαν καὶ ἀνεμίγνυντο τοῖσ προσήκουσιν. ἠδίκει δὲ οὐδείσ, ἀλλὰ καὶ φιλοφροσύναι καὶ δεξιώσεισ ἦσαν, ὤμοσαν δὲ πάντεσ περὶ τοῦ Οὐϊτελλίου καὶ προσεχώρησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Otho, chapter 13

(플루타르코스, Otho, chapter 13)

상위

목록

SEARCH

MENU NAVIGATION