Plutarch, Otho, chapter 12 3:

μόναι δὲ δύο λεγεῶνεσ οὕτω γὰρ τὰ τάγματα Ῥωμαῖοι καλοῦσιν, ἐπίκλησιν ἡ μὲν Οὐϊτελλίου Ἅρπαξ, ἡ δὲ Ὄθωνοσ Βοηθόσ, εἰσ πεδίον ἐξελίξασαι ψιλὸν καὶ ἀναπεπταμένον, νόμιμόν τινα μάχην, συμπεσοῦσαι φαλαγγηδόν, ἐμάχοντο πολὺν χρόνον. οἱ μὲν οὖν Ὄθωνοσ ἄνδρεσ ἦσαν εὔρωστοι καὶ ἀγαθοί, πολέμου δὲ καὶ μάχησ τότε πρῶτον πεῖραν λαμβάνοντεσ· οἱ δὲ Οὐϊτελλίου πολλῶν ἀγώνων ἐθάδεσ, ἤδη δὲ γηραιοὶ καὶ παρακμάζοντεσ.