헬라어 문장 검색 - Πλυταρ́Οτηό12́

(플루타르코스, Otho, chapter 12)

ἐμπίπτει δὲ τοῖσ προτεταγμένοισ τῶν Ὄθωνοσ ἐκ δή τινοσ αἰτίασ δόξα καὶ λόγοσ ὡσ μεταβαλουμένων τῶν Οὐϊτελλίου στρατηγῶν πρὸσ αὐτούσ, ὡσ οὖν ἐγγὺσ ἦσαν, ἠσπάσαντο φιλίωσ συστρατιώτασ προσαγορεύσαντεσ. καὶ τοῦτο πρῶτον αὑτοὺσ ἐτάραξεν ἤδη τῶν πολεμίων ἐν χερσὶν ὄντων, εἶτα τῶν ἄλλων οὐδὲν ἦν κόσμῳ γινόμενον, ἀλλὰ πολλὴν μὲν ἀταξίαν τὰ σκευοφόρα τοῖσ μαχομένοισ ἐμπλαζόμενα παρεῖχε, πολλοὺσ δὲ τὰ χωρία διασπασμοὺσ ἐποίει τάφρων ὄντα μεστὰ καὶ ὀρυγμάτων, ἃ φοβούμενοι καὶ περιϊόντεσ ἠναγκάζοντο φύρδην καὶ κατὰ μέρη πολλὰ συμπλέκεσθαι τοῖσ ἐναντίοισ.

μόναι δὲ δύο λεγεῶνεσ οὕτω γὰρ τὰ τάγματα Ῥωμαῖοι καλοῦσιν, ἐπίκλησιν ἡ μὲν Οὐϊτελλίου Ἅρπαξ, ἡ δὲ Ὄθωνοσ Βοηθόσ, εἰσ πεδίον ἐξελίξασαι ψιλὸν καὶ ἀναπεπταμένον, νόμιμόν τινα μάχην, συμπεσοῦσαι φαλαγγηδόν, ἐμάχοντο πολὺν χρόνον.

οἱ μὲν οὖν Ὄθωνοσ ἄνδρεσ ἦσαν εὔρωστοι καὶ ἀγαθοί, πολέμου δὲ καὶ μάχησ τότε πρῶτον πεῖραν λαμβάνοντεσ· οἱ δὲ Οὐϊτελλίου πολλῶν ἀγώνων ἐθάδεσ, ἤδη δὲ γηραιοὶ καὶ παρακμάζοντεσ. ὁρμήσαντεσ οὖν ἐπ’ αὑτοὺσ οἱ Ὄθωνοσ ἐώσαντο καὶ τόν ἀετὸν ἀφείλοντο, πάντασ ὁμοῦ τι τοὺσ προμάχουσ ἀποκτείναντεσ·

οἱ δὲ ὑπὸ αἰσχύνησ καὶ ὀργῆσ ἐμπεσόντεσ αὐτοῖσ τόν τε πρεσβευτὴν τοῦ τάγματοσ Ὀρφίδιον ἔκτειναν καὶ πολλὰ τῶν σημείων ἡρ́πασαν. τοῖσ δὲ μονομάχοισ ἐμπειρίαν τε καὶ θάρσοσ ἔχειν πρὸσ τὰσ συμπλοκὰσ δοκοῦσιν ἐπήγαγεν Οὐάροσ Ἀλφῆνοσ τοὺσ καλουμένουσ Βατάβουσ. εἰσὶ δὲ Γερμανῶν ἱππεῖσ ἄριστοι, νῆσον οἰκοῦντεσ ὑπὸ τοῦ Ῥήνου περιρρεομένην.

τούτουσ ὀλίγοι μὲν τῶν μονομάχων ὑπέστησαν, οἱ δὲ πλεῖστοι φεύγοντεσ ἐπὶ τόν ποταμὸν ἐμπίπτουσιν εἰσ σπείρασ τῶν πολεμίων αὐτόθι τεταγμένασ, ὑφ’ ὧν ἀμυνόμενοι πάντεσ ὁμαλῶσ διεφθάρησαν. αἴσχιστα δὲ ἠγωνίσαντο πάντων οἱ στρατηγικοί, μηδὲ ὅσον ἐν χερσὶ γενέσθαι τοὺσ ἐναντίουσ ὑπομείναντεσ, ἀλλὰ καὶ τοὺσ ἀηττήτουσ ἔτι φόβου καὶ ταραχῆσ ἀνεπίμπλασαν φεύγοντεσ δι’ αὐτῶν, οὐ μὴν ἀλλὰ πολλοί γε τῶν Ὄθωνοσ νενικηκότεσ τοὺσ καθ’ αὑτοὺσ ἐβιάσαντο καὶ διεξέπεσον διὰ τῶν πολεμίων κρατούντων εἰσ τὸ στρατόπεδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Otho, chapter 12

(플루타르코스, Otho, chapter 12)

상위

목록

SEARCH

MENU NAVIGATION