헬라어 문장 검색 - Πλυταρ́Οτηό10́

(플루타르코스, Otho, chapter 10)

αὐτὸσ δὲ πάλιν εἰσ Βρίξιλλον ἀνεχώρησε, καὶ τοῦτο προσεξαμαρτών, οὐχ ὅτι μόνον τὴν ἐν ὀφθαλμοῖσ αὐτοῦ παρόντοσ αἰδῶ καὶ φιλοτιμίαν ἀφεῖλε τῶν ἀγωνιζομένων, ἀλλὰ καὶ τοὺσ ἐρρωμενεστάτουσ καὶ προθυμοτάτουσ δι’ αὐτὸν ἱππεῖσ καὶ πεζοὺσ ἀπαγαγὼν φυλακὴν τοῦ σώματοσ ὡσπερεὶ στόμωμα τῆσ δυνάμεωσ ἀπέκοψε. συνέβη δὲ ταῖσ ἡμέραισ ἐκείναισ καὶ περὶ τὸν Ἠριδανὸν ἀγῶνα γενέσθαι, τοῦ μὲν Κεκίνα ζευγνύντοσ τὴν διάβασιν, τῶν δὲ Ὄθωνοσ εἰργόντων καὶ προσμαχομένων.

ὡσ δὲ οὐδὲν ἐπέραινον, ἐνθεμένων εἰσ τὰ πλοῖα δᾷδα θείου καὶ πίττησ ἀνάπλεων, διὰ τοῦ πόρου πνεῦμα προσπεσὸν ἄφνω τὴν παρεσκευασμένην ὕλην ἐπὶ τοὺσ πολεμίουσ ἐξερρίπιζε. καπνοῦ δὲ πρῶτον, εἶτα λαμπρᾶσ φλογὸσ ἐκπεσούσησ, ταραττόμενοι καὶ ἀποπηδῶντεσ εἰσ τὸν ποταμὸν τάσ τε ναῦσ ἀνέτρεπον καὶ τὰ σώματα τοῖσ πολεμίοισ μετὰ γέλωτοσ παρεῖχον.

οἱ δὲ Γερμανοὶ τοῖσ Ὄθωνοσ μονομάχοισ περὶ νησῖδα τοῦ ποταμοῦ προσμίξαντεσ ἐκράτησαν καὶ διέφθειραν αὐτῶν οὐκ ὀλίγουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Otho, chapter 10

(플루타르코스, Otho, chapter 10)

상위

목록

SEARCH

MENU NAVIGATION