Plutarch, Otho, chapter 7 2:

τοῦ δὲ Κεκίνα λοχίσαντοσ εἰσ λάσια χωρία καὶ ὑλώδη πολλοὺσ ὁπλίτασ, ἱππεῖσ δὲ προεξελάσαι κελεύσαντοσ, κἂν συνάψωσιν οἱ πολέμιοι κατὰ μικρὸν ἀναχωρεῖν καὶ ἀναφεύγειν, ἄχρι ἂν ὑπάγοντεσ οὕτωσ ἐμβάλωσιν αὐτοὺσ εἰσ τὴν ἐνέδραν, ἐξήγγειλαν αὐτόμολοι τῷ Κέλσῳ. καὶ οὗτοσ μὲν ἱππεῦσιν ἀγαθοῖσ ἀντεξελάσασ, πεφυλαγμένωσ δὲ χρώμενοσ τῇ διώξει καὶ τὴν ἐνέδραν περισχὼν καὶ συνταράξασ, ἐκάλει τοὺσ ὁπλίτασ ἐκ τοῦ στρατοπέδου.