Plutarch, Otho, chapter 4 1:

ταῦτα οἱ μὲν ἀγαπῶντεσ ἤδη καὶ πιστεύοντεσ ἐθαύμαζον τὴν μεταβολήν, οἱ δ’ ἀναγκαῖα πολιτεύματα πρὸσ τὸν καιρὸν ἡγοῦντο, δημαγωγοῦντοσ αὐτοῦ διὰ τὸν πόλεμον. ἤδη γὰρ ἠγγέλλετο βεβαίωσ Οὐϊτέλλιοσ ἀξίωμα καὶ δύναμιν αὐτοκράτοροσ ἀνειληφώσ· καὶ πτεροφόροι συνεχῶσ ἐφοίτων ἀεί τι προσχωρεῖν ἐκείνῳ φράζοντεσ, ἕτεροι δὲ τὰ Παννονικὰ καὶ τὰ Δαλματικὰ καὶ τὰ περὶ Μυσίαν στρατεύματα δηλοῦντεσ ᾑρῆσθαι μετὰ τῶν ἡγεμόνων Ὄθωνα.