Plutarch, Otho, chapter 3 2:

Κλούβιοσ δὲ Ῥοῦφοσ εἰσ Ἰβηρίαν φησὶ κομισθῆναι διπλώματα, οἷσ ἐκπέμπουσι τοὺσ γραμματηφόρουσ, τὸ τοῦ Νέρωνοσ θετὸν ὄνομα προσγεγραμμένον ἔχοντα τῷ τοῦ Ὄθωνοσ. οὐ μὴν ἀλλὰ τοὺσ πρώτουσ καί κρατίστουσ αἰσθόμενοσ ἐπὶ τούτῳ δυσχεραίνοντασ ἐπαύσατο. τοιαύτην δὲ τῆσ ἡγεμονίασ κατάστασιν αὐτῷ λαμβανούσησ, οἱ μισθοφόροι χαλεποὺσ παρεῖχον ἑαυτούσ, ἀπιστεῖν παρακελευόμενοι καί φυλάττεσθαι καί κολούειν τοὺσ ἀξιολόγουσ, εἴτ’ ἀληθῶσ φοβούμενοι δι’ εὔνοιαν, εἴτε προφάσει χρώμενοι ταύτῃ τοῦ ταράττειν καί πολεμοποιεῖν.