헬라어 문장 검색 - Πλυταρ́Λψσανδέ29́

(플루타르코스, Λύσανδρος, chapter 29)

τῷ δὲ Παυσανίᾳ τὸ πάθοσ ἀγγέλλεται καθ’ ὁδὸν ἐκ Πλαταιῶν εἰσ Θεσπιὰσ πορευομένῳ· καὶ συνταξάμενοσ ἧκε πρὸσ τὸν Ἁλίαρτον. ἧκε δὲ καὶ Θρασύβουλοσ ἐκ Θηβῶν ἄγων τοὺσ Ἀθηναίουσ. βουλευομένου δὲ τοῦ Παυσανίου τοὺσ νεκροὺσ ὑποσπόνδουσ ἀπαιτεῖν, δυσφοροῦντεσ οἱ πρεσβύτεροι τῶν Σπαρτιατῶν αὐτοί τε καθ’ ἑαυτοὺσ ἠγανάκτουν, καὶ τῷ βασιλεῖ προσιόντεσ ἐμαρτύραντο μὴ διὰ σπονδῶν ἀναιρεῖσθαι Λύσανδρον, ἀλλὰ δι’ ὅπλων περὶ τοῦ σώματοσ ἀγωνισαμένουσ καὶ νικήσαντασ οὕτω τὸν ἄνδρα θάπτειν, ἡττωμένοισ δὲ καλὸν ἐνταῦθα κεῖσθαι μετὰ τοῦ στρατηγοῦ. ταῦτα τῶν πρεσβυτέρων λεγόντων ὁρῶν ὁ Παυσανίασ μέγα μὲν ἔργον ὑπερβαλέσθαι μάχῃ τοὺσ Θηβαίουσ ἄρτι κεκρατηκότασ, ἐγγὺσ δὲ τῶν τειχῶν τὸ σῶμα τοῦ Λυσάνδρου παραπεπτωκόσ, ὥστε χαλεπὴν ἄνευ σπονδῶν καὶ νικῶσιν εἶναι τὴν ἀναίρεσιν, ἔπεμψε κήρυκα καὶ σπεισάμενοσ ἀπήγαγε τὴν δύναμιν ὀπίσω.

τὸν δὲ Λύσανδρον ᾗ πρῶτον κομίζοντεσ ὑπὲρ τοὺσ ὁρ́ουσ ἐγένοντο τῆσ Βοιωτίασ ἐν φίλῃ καὶ συμμαχίδι χώρᾳ τῇ Πανοπέων κατέθεσαν, οὗ νῦν τὸ μνημεῖόν ἐστι παρὰ τὴν ὁδὸν εἰσ Χαιρώνειαν ἐκ Δελφῶν πορευομένοισ.

ἐνταῦθα δὴ τῆσ στρατιᾶσ καταυλισαμένησ λέγεταί τινα τῶν Φωκέων ἑτέρῳ μὴ παρατυχόντι τὸν ἀγῶνα διηγούμενον, εἰπεῖν ὡσ οἱ πολέμιοι προσπέσοιεν αὐτοῖσ τοῦ Λυσάνδρου τὸν Ὁπλίτην ἤδη διαβεβηκότοσ. θαυμάσαντα δὲ Σπαρτιάτην ἄνδρα τοῦ Λυσάνδρου φίλον ἐρέσθαι τίνα λέγοι τὸν Ὁπλίτην·

οὐ γὰρ εἰδέναι τοὔνομα· "τοὺσ πρώτουσ ἡμῶν οἱ πολέμιοι κατέβαλον. "τὸ γὰρ παρὰ τὴν πόλιν ῥεῖθρον Ὁπλίτην καλοῦσιν. ἀκούσαντα δὲ τὸν Σπαρτιάτην ἐκδακρῦσαι καὶ εἰπεῖν ὡσ ἄφευκτόν ἐστιν ἀνθρώπῳ τὸ πεπρωμένον. ἦν γάρ, ὡσ ἐοίκε, τῷ Λυσάνδρῳ δεδομένοσ χρησμὸσ οὕτωσ ἔχων·

ὁπλίτην κελάδοντα φυλάξασθαί σε κελεύω γῆσ τε δράκονθ’ υἱὸν δόλιον κατόπισθεν ἰόντα. τινὲσ δὲ τὸν Ὁπλίτην οὐ πρὸσ Ἁλιάρτῳ ῥεῖν λέγουσιν, ἀλλὰ πρὸσ Κορώνειαν χειμάρρουν εἶναι τῷ Φιλάρῳ ποταμῷ συμφερόμενον παρὰ τὴν πόλιν, ὃν πάλαι μὲν Ὁπλίαν, νῦν δὲ Ἰσόμαντον προσαγορεύουσιν. ὁ δὲ ἀποκτείνασ τὸν Λύσανδρον Ἁλιάρτιοσ ἀνὴρ ὄνομα Νεόχωροσ ἐπίσημον εἶχε τῆσ ἀσπίδοσ δράκοντα·

καὶ τοῦτο σημαίνειν ὁ χρησμὸσ εἰκάζετο. λέγεται δὲ καὶ Θηβαίοισ ὑπὸ τὸν Πελοποννησιακὸν πόλεμον ἐν Ἰσμηνίῳ γενέσθαι χρησμὸν ἅμα τήν τε πρὸσ Δηλίῳ μάχην καὶ τὴν πρὸσ Ἁλιάρτῳ ταύτην ἐκείνησ ὕστερον ἔτει τριακοστῷ γενομένην προμηνύοντα. ἦν δὲ τοιοῦτοσ·

ἐσχατιὰν πεφύλαξο λύκουσ καμάκεσσι δοκεύων καὶ λόφον Ὀρχαλίδην, ὃν ἀλώπηξ οὔποτε λείπει. τὸν μὲν οὖν περὶ Δήλιον τόπον ἐσχατιὰν προσεῖπε, καθ’ ὃν ἡ Βοιωτία τῇ Ἀττικῇ σύνορόσ ἐστιν, Ὀρχαλίδην δὲ λόφον, ὃν νῦν Ἀλώπεκον καλοῦσιν, ἐν τοῖσ πρὸσ τὸν Ἑλικῶνα μέρεσι τοῦ Ἁλιάρτου κείμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 29

(플루타르코스, Λύσανδρος, chapter 29)

상위

목록

SEARCH

MENU NAVIGATION