헬라어 문장 검색 - Πλυταρ́Λψσανδέ28́

(플루타르코스, Λύσανδρος, chapter 28)

ἤδη δὲ παντάπασι χαλεπὸσ ὢν ὀργὴν διὰ τὴν μελαγχολίαν ἐπιτείνουσαν εἰσ γῆρασ, παρώξυνε τοὺσ ἐφόρουσ καὶ συνέπεισε φῆναι φρουρὰν ἐπ’ αὐτούσ, καὶ λαβὼν τὴν ἡγεμονίαν ἐξεστράτευσεν. ὕστερον δὲ καὶ Παυσανίαν τὸν βασιλέα μετὰ στρατιᾶσ ἀπέστειλαν. ἀλλὰ Παυσανίασ μὲν κύκλῳ περιελθὼν διὰ τοῦ Κιθαιρῶνοσ ἐμβάλλειν ἔμελλεν εἰσ τὴν Βοιωτίαν, Λύσανδροσ δὲ διὰ Φωκέων ἀπήντα στρατιώτασ ἔχων πολλούσ·

καὶ τὴν μὲν Ὀρχομενίων πόλιν ἑκουσίωσ προσχωρήσασαν ἔλαβε, τὴν δὲ Λεβάδειαν ἐπελθὼν διεπόρθησεν. ἔπεμψε δὲ τῷ Παυσανίᾳ γράμματα κελεύων εἰσ Ἁλίαρτον ἐκ Πλαταιῶν συνάπτειν, ὡσ αὐτὸσ ἅμ’ ἡμέρᾳ πρὸσ τοῖσ τείχεσι τῶν Ἁλιαρτίων γενησόμενοσ. ταῦτα τὰ γράμματα πρὸσ τοὺσ Θηβαίουσ ἀπηνέχθη, τοῦ κομίζοντοσ εἰσ κατασκόπουσ τινὰσ ἐμπεσόντοσ. οἱ δὲ προσβεβοηθηκότων αὐτοῖσ Ἀθηναίων τὴν μὲν πόλιν ἐκείνοισ διεπίστευσαν, αὐτοὶ δὲ περὶ πρῶτον ὕπνον ἐξορμήσαντεσ ἔφθασαν ὀλίγῳ τὸν Λύσανδρον ἐν Ἁλιάρτῳ γενόμενοι, καὶ μέρει τινὶ παρῆλθον εἰσ τὴν πόλιν.

ἐκεῖνοσ δὲ τὸ μὲν πρῶτον ἔγνω τὴν στρατιὰν ἱδρύσασ ἐπὶ λόφου περιμένειν τὸν Παυσανίαν· ἔπειτα προϊούσησ τῆσ ἡμέρασ ἀτρεμεῖν οὐ δυνάμενοσ, λαβὼν τὰ ὅπλα καὶ τοὺσ συμμάχουσ παρορμήσασ ὀρθίῳ τῇ φάλαγγι παρὰ τὴν ὁδὸν ἦγε πρὸσ τὸ τεῖχοσ. τῶν δὲ Θηβαίων οἱ μὲν ἔξω μεμενηκότεσ ἐν ἀριστερᾷ τὴν πόλιν λαβόντεσ ἐβάδιζον ἐπὶ τοὺσ ἐσχάτουσ τῶν πολεμίων ὑπὸ τὴν κρήνην τὴν Κισσοῦσαν προσαγορευομένην, ἔνθα μυθολογοῦσι τὰσ τιθήνασ νήπιον ἐκ τῆσ λοχείασ ἀπολοῦσαι τὸν Διόνυσον·

καὶ γὰρ οἰνωπὸν ἐπιστίλβει τὸ χρῶμα καὶ διαυγὲσ καὶ πιεῖν ἥδιστον. οἱ δὲ Κρήσιοι στύρακεσ οὐ πρόσω περιπεφύκασιν, ἃ τεκμήρια τῆσ Ῥαδαμάνθυοσ αὐτόθι κατοικήσεωσ Ἁλιάρτιοι ποιοῦνται, καὶ τάφον αὐτοῦ δεικνύουσιν Ἀλεᾶ καλοῦντεσ. ἔστι δὲ καὶ τὸ τῆσ Ἀλκμήνησ μνημεῖον ἐγγύσ·

ἐνταῦθα γάρ, ὥσ φασιν, ἐκηδεύθη συνοικήσασα Ῥαδαμάνθυϊ μετὰ τὴν Ἀμφιτρύωνοσ τελευτήν. οἱ δὲ ἐν τῇ πόλει Θηβαῖοι μετὰ τῶν Ἁλιαρτίων συντεταγμένοι τέωσ μὲν ἡσύχαζον, ἐπεὶ δὲ τὸν Λύσανδρον ἅμα τοῖσ πρώτοισ προσπελάζοντα τῷ τείχει κατεῖδον, ἐξαπίνησ ἀνοίξαντεσ τὰσ πύλασ καὶ προσπεσόντεσ αὐτόν τε μετὰ τοῦ μάντεωσ κατέβαλον καὶ τῶν ἄλλων ὀλίγουσ τινάσ· οἱ γὰρ πλεῖστοι ταχέωσ ἀνέφυγον πρὸσ τὴν φάλαγγα. τῶν δὲ Θηβαίων οὐκ ἀνιέντων, ἀλλὰ προσκειμένων αὐτοῖσ, ἐτράποντο πάντεσ ἀνὰ τοὺσ λόφουσ φεύγειν, καὶ χίλιοι πίπτουσιν αὐτῶν.

ἀπέθανον δὲ καὶ Θηβαίων τριακόσιοι πρὸσ τὰ τραχέα καὶ καρτερὰ τοῖσ πολεμίοισ συνεκπεσόντεσ. οὗτοι δὲ ἦσαν ἐν αἰτίᾳ τοῦ λακωνίζειν, ἣν σπουδάζοντεσ ἀπολύσασθαι τοῖσ πολίταισ καὶ σφῶν αὐτῶν ἀφειδοῦντεσ ἐν τῇ διώξει παραναλώθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 28

(플루타르코스, Λύσανδρος, chapter 28)

상위

목록

SEARCH

MENU NAVIGATION