헬라어 문장 검색 - Πλυταρ́Λψσανδέ24́

(플루타르코스, Λύσανδρος, chapter 24)

ἐκ τούτου πρεσβευτὴσ εἰσ Ἑλλήσποντον ἐπέμπετο· καὶ τὸν μὲν Ἀγησίλαον δι’ ὀργῆσ εἶχεν, οὐκ ἠμέλει δὲ τοῦ τὰ δέοντα πράττειν, Σπιθριδάτην δὲ τὸν Πέρσην προσκεκρουκότα Φαρναβάζῳ, γενναῖον ἄνδρα καὶ στρατιὰν ἔχοντα περὶ αὑτόν, ἀποστήσασ ἤγαγε πρὸσ τὸν Ἀγησίλαον. ἄλλο δὲ οὐδὲν ἐχρήσατο αὐτῷ πρὸσ τὸν πόλεμον, ἀλλὰ τοῦ χρόνου διελθόντοσ ἀπέπλευσεν εἰσ τὴν Σπάρτην ἀτίμωσ, ὀργιζόμενοσ μὲν τῷ Ἀγησιλάῳ, μισῶν δὲ καὶ τὴν ὅλην πολιτείαν ἔτι μᾶλλον ἢ πρότερον, καὶ τὰ πάλαι δοκοῦντα συγκεῖσθαι καὶ μεμηχανῆσθαι πρὸσ μεταβολὴν καὶ νεωτερισμὸν ἐγνωκὼσ ἐγχειρεῖν τότε καὶ μὴ διαμέλλειν.

ἦν δὲ τοιάδε.

τῶν ἀναμιχθέντων Δωριεῦσιν Ἡρακλειδῶν καὶ κατελθόντων εἰσ Πελοπόννησον πολὺ μὲν ἐν Σπάρτῃ καὶ λαμπρὸν ἤνθησε γένοσ, οὐ παντὶ δὲ αὐτῶν τῆσ βασιλικῆσ μετῆν διαδοχῆσ, ἀλλ’ ἐβασίλευον ἐκ δυεῖν οἴκων μόνον Εὐρυπωντίδαι καὶ Ἀγιάδαι προσαγορευόμενοι, τοῖσ δὲ ἄλλοισ οὐδὲν ἑτέρου πλέον ἔχειν ἐν τῇ πολιτείᾳ διὰ τὴν εὐγένειαν ὑπῆρχεν, αἱ δὲ ἀπ’ ἀρετῆσ τιμαὶ πᾶσι προὔκειντο τοῖσ δυναμένοισ. τούτων οὖν γεγονὼσ ὁ Λύσανδροσ, ὡσ εἰσ δόξαν τῶν πράξεων ἤρθη μεγάλην καὶ φίλουσ ἐκέκτητο πολλοὺσ καὶ δύναμιν, ἤχθετο τὴν πόλιν ὁρῶν ὑπ’ αὐτοῦ μὲν αὐξανομένην, ὑφ’ ἑτέρων δὲ βασιλευομένην οὐδὲν βέλτιον αὐτοῦ γεγονότων, καὶ διενοεῖτο τὴν ἀρχὴν ἐκ τῶν δυεῖν οἴκων μεταστήσασ εἰσ κοινὸν ἀποδοῦναι πᾶσιν Ἡρακλείδαισ, ὡσ δὲ ἔνιοί φασιν, οὐχ Ἡρακλείδαισ, ἀλλὰ Σπαρτιάταισ, ἵνα μὴ ᾖ τῶν ἀφ’ Ἡρακλέουσ, ἀλλὰ τῶν οἱο͂σ Ἡρακλῆσ τὸ γέρασ, ἀρετῇ κρινομένων, ἣ κἀκεῖνον εἰσ θεῶν τιμὰσ ἀνήγαγεν.

ἤλπιζε δὲ τῆσ βασιλείασ οὕτω δικαζομένησ οὐδένα πρὸ αὑτοῦ Σπαρτιάτην ἂν αἱρεθήσεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 24

(플루타르코스, Λύσανδρος, chapter 24)

상위

목록

SEARCH

MENU NAVIGATION