헬라어 문장 검색 - Πλυταρ́Λψσανδέ20́

(플루타르코스, Λύσανδρος, chapter 20)

ὁ δὲ Λύσανδροσ, ἐλθούσησ τῆσ σκυτάλησ πρὸσ αὐτὸν εἰσ τὸν Ἑλλήσποντον, διεταράχθη, καὶ μάλιστα τὰσ τοῦ Φαρναβάζου δεδιὼσ κατηγορίασ, ἐσπούδασεν εἰσ λόγουσ αὐτῷ συνελθεῖν, ὡσ λύσων τὴν διαφοράν. καὶ συνελθὼν ἐδεῖτο γράψαι περὶ αὐτοῦ πρὸσ τοὺσ ἄρχοντασ ἑτέραν ἐπιστολὴν ὡσ οὐδὲν ἠδικημένον οὐδ’ ἐγκαλοῦντα. πρὸσ Κρῆτα δὲ ἄρα, τὸ τοῦ λόγου, κρητίζων ἠγνόει τὸν Φαρνάβαζον. ὑποσχόμενοσ γὰρ ἅπαντα ποιήσειν, φανερῶσ μὲν ἔγραψεν οἱάν ὁ Λύσανδροσ ἠξίωσεν ἐπιστολήν, κρύφα δὲ εἶχεν ἑτέραν αὐτόθι γεγραμμένην.

ἐν δὲ τῷ τὰσ σφραγῖδασ ἐπιβάλλειν ἐναλλάξασ τὰ βιβλία μηδὲν διαφέροντα τῇ ὄψει, δίδωσιν ἐκείνην αὐτῷ τὴν κρύφα γεγραμμένην. ἀφικόμενοσ οὖν ὁ Λύσανδροσ εἰσ Λακεδαίμονα καὶ πορευθείσ, ὥσπερ ἔθοσ ἐστίν, εἰσ τὸ ἀρχεῖον, ἀπέδωκε τοῖσ ἐφόροισ τὰ γράμματα τοῦ Φαρναβάζου, πεπεισμένοσ ἀνῃρῆσθαι τὸ μέγιστον αὐτοῦ τῶν ἐγκλημάτων·

ἠγαπᾶτο γὰρ ὁ Φαρνάβαζοσ ὑπὸ τῶν Λακεδαιμονίων, προθυμότατοσ ἐν τῷ πολέμῳ τῶν βασιλέωσ στρατηγῶν γεγενημένοσ. ἐπεὶ δὲ ἀναγνόντεσ οἱ ἔφοροι τὴν ἐπιστολὴν ἔδειξαν αὐτῷ, καὶ συνῆκεν ὡσ οὐκ ἆρ’ Ὀδυσσεύσ ἐστιν αἱμύλοσ μόνοσ, τότε μὲν ἰσχυρῶσ τεθορυβημένοσ ἀπῆλθεν·

ἡμέραισ δὲ ὀλίγαισ ὕστερον ἐντυχὼν τοῖσ ἄρχουσιν ἔφη δεῖν αὐτὸν εἰσ Ἄμμωνοσ ἀναβῆναι καὶ τῷ θεῷ θῦσαι θυσίασ ἃσ εὔξατο πρὸ τῶν ἀγώνων. ἔνιοι μὲν οὖν ἀληθῶσ φασιν αὐτῷ πολιορκοῦντι τὴν τῶν Ἀφυταίων πόλιν ἐν Θρᾴκῃ κατὰ τοὺσ ὕπνουσ παραστῆναι τὸν Ἄμμωνα·

διὸ καὶ τὴν πολιορκίαν ἀφείσ, ὡσ τοῦ θεοῦ προστάξαντοσ, ἐκέλευσε τοὺσ Ἀφυταίουσ Ἄμμωνι θύειν καὶ τὸν θεὸν ἐσπούδασεν εἰσ τὴν Λιβύην πορευθεὶσ ἐξιλάσασθαι. τοῖσ δὲ πλείστοισ ἐδόκει πρόσχημα ποιεῖσθαι τὸν θεόν, ἄλλωσ δὲ τοὺσ ἐφόρουσ δεδοικὼσ καὶ τὸν οἴκοι ζυγὸν οὐ φέρων οὐδ’ ὑπομένων ἄρχεσθαι πλάνησ ὀρέγεσθαι καὶ περιφοιτήσεωσ τινόσ, ὥσπερ ἵπποσ ἐκ νομῆσ ἀφέτου καὶ λειμῶνοσ αὖθισ ἥκων ἐπὶ φάτνην καὶ πρὸσ τὸ σύνηθεσ ἔργον αὖθισ ἀγόμενοσ.

ἣν μὲν γὰρ Ἔφοροσ τῆσ ἀποδημίασ ταύτησ αἰτίαν ἀναγράφει, μετὰ μικρὸν ἀφηγήσομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 20

(플루타르코스, Λύσανδρος, chapter 20)

상위

목록

SEARCH

MENU NAVIGATION