헬라어 문장 검색 - Πλυταρ́Λψσανδέ14́

(플루타르코스, Λύσανδρος, chapter 14)

διατρίψασ δὲ περὶ ταῦτα χρόνον οὐ πολύν, καὶ προπέμψασ εἰσ Λακεδαίμονα τοὺσ ἀπαγγελοῦντασ ὅτι προσπλεῖ μετὰ νεῶν διακοσίων, συνέμιξε περὶ Ἀττικὴν Ἄγιδι καὶ Παυσανίᾳ τοῖσ βασιλεῦσιν ὡσ ταχὺ συναιρήσων τὴν πόλιν. ἐπεὶ δὲ ἀντεῖχον οἱ Ἀθηναῖοι, λαβὼν τὰσ ναῦσ πάλιν εἰσ Ἀσίαν διεπέρασε· καὶ τῶν μὲν ἄλλων πόλεων ὁμαλῶσ ἁπασῶν κατέλυε τὰσ πολιτείασ καὶ καθίστη δεκαδαρχίασ, πολλῶν μὲν ἐν ἑκάστῃ σφαττομένων, πολλῶν δὲ φευγόντων, Σαμίουσ δὲ πάντασ ἐκβαλὼν παρέδωκε τοῖσ φυγάσι τὰσ πόλεισ. Σηστὸν δ’ Ἀθηναίων ἐχόντων ἀφελόμενοσ οὐκ εἰάσεν οἰκεῖν Σηστίουσ, ἀλλὰ τοῖσ γενομένοισ ὑπ’ αὐτῷ κυβερνήταισ καὶ κελευσταῖσ ἔδωκε τὴν πόλιν καὶ τὴν χώραν νέμεσθαι.

πρὸσ ὃ καὶ πρῶτον ἀντέκρουσαν οἱ Λακεδαιμόνιοι καὶ τοὺσ Σηστίουσ αὖθισ ἐπὶ τὴν χώραν κατήγαγον. ἀλλ’ ἐκεῖνά γε τοῦ Λυσάνδρου πάντεσ ἡδέωσ ἑώρων οἱ Ἕλληνεσ, Αἰγινήτασ τε διὰ πολλοῦ χρόνου τὴν αὑτῶν πόλιν ἀπολαμβάνοντασ καὶ Μηλίουσ καὶ Σκιωναίουσ ὑπ’ αὐτοῦ συνοικιζομένουσ, ἐξελαυνομένων Ἀθηναίων καὶ τὰσ πόλεισ ἀποδιδόντων.

ἤδη δὲ καὶ τοὺσ ἐν ἄστει κακῶσ ἔχειν ὑπὸ λιμοῦ πυνθανόμενοσ κατέπλευσεν εἰσ τὸν Πειραιᾶ καὶ παρεστήσατο τὴν πόλιν, ἀναγκασθεῖσαν ἐφ’ οἷσ ἐκεῖνοσ ἐκέλευε ποιήσασθαι τὰσ διαλύσεισ. καίτοι Λακεδαιμονίων ἐστὶν ἀκοῦσαι λεγόντων ὡσ Λύσανδροσ μὲν ἔγραψε τοῖσ ἐφόροισ τάδε·

Λυσάνδρῳ δ’ ἀντέγραψαν οἱ ἔφοροι· "ἀρκεῖ τό γε ἑαλώκειν. ἀλλ’ εὐπρεπείασ χάριν οὗτοσ ὁ λόγοσ πέπλασται. τὸ δ’ ἀληθινὸν δόγμα τῶν ἐφόρων οὕτωσ εἶχε· "τάδε τὰ τέλη τῶν Λακεδαιμονίων ἔγνω· "καββαλόντεσ τὸν Πειραιᾶ καὶ τὰ μακρὰ σκέλη, καὶ ἐκβάντεσ ἐκ πασῶν τῶν πόλεων τὰν αὑτῶν γᾶν ἔχοντεσ, ταῦτά κα δρῶντεσ τὰν εἰράναν ἔχοιτε, αἰ χρήδοιτε, καὶ τοὺσ φυγάδασ ἀνέντεσ. "περὶ τᾶν ναῶν τῶ πλήθεοσ, ὁκοῖόν τί κα τηνεὶ δοκέῃ, ταῦτα ποιέετε. ταύτην δὲ προσεδέξαντο τὴν σκυτάλην οἱ Ἀθηναῖοι Θηραμένουσ τοῦ Ἅγνωνοσ συμβουλεύσαντοσ·

ὅτε καί φασιν ὑπὸ τῶν νέων τινὸσ δημαγωγῶν Κλεομένουσ ἐρωτώμενον εἰ τολμᾷ τἀναντία Θεμιστοκλεῖ πράττειν καὶ λέγειν, παραδιδοὺσ τὰ τείχη τοῖσ Λακεδαιμονίοισ, ἃ Λακεδαιμονίων ἀκόντων ἐκεῖνοσ ἀνέστησεν, εἰπεῖν· "ἀλλ’ οὐδέν, ὦ μειράκιον, ὑπεναντίον ἐγὼ πράττω Θεμιστοκλεῖ·

"τὰ γὰρ αὐτὰ τείχη κἀκεῖνοσ ἐπὶ σωτηρίᾳ τῶν πολιτῶν ἀνέστησε καὶ ἡμεῖσ ἐπὶ σωτηρίᾳ καταβαλοῦμεν. "εἰ δὲ τὰ τείχη τὰσ πόλεισ εὐδαίμονασ ἐποίει, πασῶν ἔδει πράττειν κάκιστα τὴν Σπάρτην ἀτείχιστον οὖσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 14

(플루타르코스, Λύσανδρος, chapter 14)

상위

목록

SEARCH

MENU NAVIGATION