헬라어 문장 검색 - Πλυταρ́Λψσανδέ11́

(플루타르코스, Λύσανδρος, chapter 11)

ὁ μὲν οὖν Ἀλκιβιάδησ ὑποπτεύσασ τι καὶ προδοσίασ ἐν αὐτοῖσ ἀπηλλάττετο. πέμπτῃ δὲ ἡμέρᾳ τῶν Ἀθηναίων ποιησαμένων τὸν ἐπίπλουν καὶ πάλιν ἀπερχομένων, ὥσπερ εἰώθεσαν, ὀλιγώρωσ πάνυ καὶ καταφρονητικῶσ, ὁ Λύσανδροσ ἐκπέμπων τὰσ κατασκόπουσ ναῦσ ἐκέλευσε τοὺσ τριηράρχουσ, ὅταν ἴδωσι τοὺσ Ἀθηναίουσ ἐκβεβηκότασ, ἐλαύνειν ἀποστρέψαντασ ὀπίσω τάχει παντί, καὶ γενομένουσ κατὰ μέσον τὸν πόρον ἀσπίδα χαλκῆν ἐπάρασθαι πρῴραθεν ἐπίπλου σύμβολον. αὐτὸσ δὲ τοὺσ κυβερνήτασ καὶ τριηράρχουσ ἐπιπλέων ἀνεκαλεῖτο καὶ παρώρμα συνέχειν ἕκαστον ἐν τάξει τὸ πλήρωμα καὶ τοὺσ ναύτασ καὶ τοὺσ ἐπιβάτασ, ὅταν δὲ σημανθῇ, μετὰ προθυμίασ καὶ ῥώμησ ἐλαύνειν ἐπὶ τοὺσ πολεμίουσ.

ὡσ δὲ ἥ τε ἀσπὶσ ἀπὸ τῶν νεῶν ἤρθη καὶ τῇ σάλπιγγι τὴν ἀναγωγὴν ἐσήμαινεν ἀπὸ τῆσ ναυαρχίδοσ, ἐπέπλεον μὲν αἱ νῆεσ, ἡμιλλῶντο δὲ οἱ πεζοὶ παρὰ τὸν αἰγιαλὸν ἐπὶ τὴν ἄκραν. τὸ δὲ μεταξὺ τῶν ἠπείρων διάστημα ταύτῃ πεντεκαίδεκα σταδίων ἐστί, καὶ ταχέωσ ὑπὸ σπουδῆσ καὶ προθυμίασ τῶν ἐλαυνόντων συνῄρητο.

Κόνων δὲ πρῶτοσ ὁ τῶν Ἀθηναίων στρατηγὸσ ἀπὸ τῆσ γῆσ ἰδὼν ἐπιπλέοντα τὸν στόλον ἐξαίφνησ ἀνεβόησεν ἐμβαίνειν, καὶ περιπαθῶν τῷ κακῷ τοὺσ μὲν ἐκάλει, τῶν δὲ ἐδεῖτο, τοὺσ δὲ ἠνάγκαζε πληροῦν τὰσ τριήρεισ. ἦν δὲ οὐδὲν ἔργον αὐτοῦ τῆσ σπουδῆσ ἐσκεδασμένων τῶν ἀνθρώπων.

ὡσ γὰρ ἐξέβησαν, εὐθύσ, ἅτε μηδὲν προσδοκῶντεσ, ἠγόραζον, ἐπλανῶντο περὶ τὴν χώραν, ἐκάθευδον ὑπὸ ταῖσ σκηναῖσ, ἠριστοποιοῦντο, πορρωτάτω τοῦ μέλλοντοσ ἀπειρίᾳ τῶν ἡγουμένων ὄντεσ. ἤδη δὲ κραυγῇ καὶ ῥοθίῳ προσφερομένων τῶν πολεμίων ὁ μὲν Κόνων ὀκτὼ ναυσὶν ὑπεξέπλευσε καὶ διαφυγὼν ἀπεπέρασεν εἰσ Κύπρον πρὸσ Εὐαγόραν, ταῖσ δὲ ἄλλαισ ἐπιπεσόντεσ οἱ Πελοποννήσιοι τὰσ μὲν κενὰσ παντάπασιν ᾕρουν, τὰσ δ’ ἔτι πληρουμένασ ἔκοπτον.

οἱ δὲ ἄνθρωποι πρόσ τε ταῖσ ναυσὶν ἀπέθνησκον ἄνοπλοι καὶ σποράδεσ ἐπιβοηθοῦντεσ, ἔν τε τῇ γῇ φεύγοντεσ ἀποβάντων τῶν πολεμίων ἐκτείνοντο. λαμβάνει δὲ ὁ Λύσανδροσ τρισχιλίουσ ἄνδρασ αἰχμαλώτουσ μετὰ τῶν στρατηγῶν, ἅπαν δὲ τὸ ναύσταθμον ἄνευ τῆσ Παράλου καὶ τῶν μετὰ Κόνωνοσ ἐκφυγουσῶν.

ἀναδησάμενοσ δὲ τὰσ ναῦσ καὶ διαπορθήσασ τὸ στρατόπεδον μετὰ αὐλοῦ καὶ παιάνων ἀνέπλευσεν εἰσ Λάμψακον, ἔργον ἐλαχίστῳ πόνῳ μέγιστον ἐξειργασμένοσ, καὶ συνῃρηκὼσ ὡρ́ᾳ μιᾷ χρόνου μήκιστον καὶ ποικιλώτατον πάθεσί τε καὶ τύχαισ ἀπιστότατον τῶν πρὸ αὐτοῦ πολέμων, ὃσ μυρίασ μορφὰσ ἀγώνων καὶ πραγμάτων μεταβολὰσ ἀμείψασ, καὶ στρατηγοὺσ ὅσουσ οὐδὲ οἱ σύμπαντεσ οἱ πρὸ αὐτοῦ τῆσ Ἑλλάδοσ ἀναλώσασ, ἑνὸσ ἀνδρὸσ εὐβουλία καὶ δεινότητι συνῄρητο· διὸ καὶ θεῖόν τινεσ ἡγήσαντο τοῦτο τὸ ἔργον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 11

(플루타르코스, Λύσανδρος, chapter 11)

상위

목록

SEARCH

MENU NAVIGATION