헬라어 문장 검색 - Πλυταρ́Λψξυργύ29́

(플루타르코스, Lycurgus, chapter 29)

κατειλημμένων δὲ τοῖσ ἐθισμοῖσ ἤδη τῶν κυριωτάτων ὑπ’ αὐτοῦ, καὶ τῆσ πολιτείασ ἐκτεθραμμένησ ἱκανῶσ καὶ δυναμένησ φέρειν ἑαυτὴν καὶ σώζειν δι’ ἑαυτῆσ, ὥσπερ ὁ Πλάτων φησὶν ἐπὶ τῷ κόσμῳ γενομένῳ καὶ κινηθέντι τὴν πρώτην κίνησιν εὐφρανθῆναι τὸν θεόν, οὕτωσ ἀγασθεὶσ καὶ ἀγαπήσασ τὸ τῆσ νομοθεσίασ κάλλοσ καὶ μέγεθοσ ἐν ἔργῳ γενομένησ καὶ ὁδῷ βαδιζούσησ, ἐπεθύμησεν, ὡσ ἀνυστὸν ἐξ ἀνθρωπίνησ προνοίασ, ἀθάνατον αὐτὴν ἀπολιπεῖν καὶ ἀκίνητον εἰσ τὸ μέλλον, συναγαγὼν οὖν ἅπαντασ εἰσ ἐκκλησίαν, τὰ μὲν ἄλλα μετρίωσ ἔχειν ἔφη καὶ ἱκανῶσ πρὸσ εὐδαιμονίαν καὶ ἀρετὴν τῆσ πόλεωσ, ὃ δὲ κυριώτατόν ἐστι καὶ μέγιστον οὐκ ἂν ἐξενεγκεῖν πρότερον πρὸσ αὐτοὺσ ἢ χρήσασθαι τῷ θεῷ. δεῖν οὖν ἐκείνουσ ἐμμένειν τοῖσ καθεστῶσι νόμοισ καὶ μηδὲν ἀλλάσσειν μηδὲ μετακινεῖν ἑώσ ἐπάνεισιν ἐκ Δελφῶν αὐτόσ· ἐπανελθὼν γάρ ὅ τι ἂν τῷ θεῷ δοκῇ ποιήσειν.

ὁμολογούντων δὲ πάντων καὶ κελευόντων βαδίζειν, ὁρ́κουσ λαβὼν παρὰ τῶν βασιλέων καὶ τῶν γερόντων, ἔπειτα παρὰ τῶν ἄλλων πολιτῶν, ἐμμενεῖν καὶ χρήσεσθαι τῇ καθεστώσῃ πολιτείᾳ μέχρισ ἂν ἐπανέλθῃ ὁ Λυκοῦργοσ, ἀπῆρεν εἰσ Δελφούσ.

παραγενόμενοσ δὲ πρὸσ τὸ μαντεῖον καὶ τῷ θεῷ θύσασ, ἠρώτησεν εἰ καλῶσ οἱ νόμοι καὶ ἱκανῶσ πρὸσ εὐδαιμονίαν καὶ ἀρετὴν πόλεωσ κείμενοι τυγχάνουσιν. ἀποκριναμένου δὲ τοῦ θεοῦ καὶ τοὺσ νόμουσ καλῶσ κεῖσθαι καὶ τὴν πόλιν ἐνδοξοτάτην διαμενεῖν τῇ Λυκούργου χρωμένην πολιτείᾳ, τὸ μάντευμα γραψάμενοσ εἰσ Σπάρτην ἀπέστειλεν.

αὐτὸσ δὲ τῷ θεῷ πάλιν θύσασ καὶ τοὺσ φίλουσ ἀσπασάμενοσ καὶ τὸν υἱόν, ἔγνω μηκέτι τοῖσ πολίταισ ἀφεῖναι τὸν ὁρ́κον, αὐτοῦ δὲ καταλῦσαι τὸν βίον ἑκουσίωσ, ἡλικίασ γεγονὼσ ἐν ᾗ καὶ βιοῦν ἔτι καὶ πεπαῦσθαι βουλομένοισ ὡραῖόν ἐστι, καὶ τῶν περὶ αὐτὸν ἱκανῶσ πρὸσ εὐδαιμονίαν ἔχειν δοκούντων. ἐτελεύτησεν οὖν ἀποκαρτερήσασ, ἡγούμενοσ χρῆναι τῶν πολιτικῶν ἀνδρῶν μηδὲ τὸν θάνατον ἀπολίτευτον εἶναι μηδὲ ἀργὸν τὸ τοῦ βίου τέλοσ, ἀλλ’ ἐν ἀρετῆσ μερίδι καὶ πράξεωσ γενόμενον.

αὑτῷ τε γὰρ ἐξειργασμένῳ τὰ κάλλιστα τὴν τελευτὴν ὡσ ἀληθῶσ ἐπιτελείωσιν εἶναι τῆσ εὐδαιμονίασ, καὶ τοῖσ πολίταισ ὧν διὰ τοῦ βίου παρεσκεύασε καλῶν καὶ ἀγαθῶν φύλακα τὸν θάνατον ἀπολείψειν, ὀμωμοκόσι χρῆσθαι τῇ πολιτείᾳ μέχρισ ἂν ἐκεῖνοσ ἐπανέλθῃ. καὶ οὐ διεψεύσθη τῶν λογισμῶν τοσοῦτον ἐπρώτευσεν ἡ πόλισ τῆσ Ἑλλάδοσ εὐνομίᾳ, καὶ δόξῃ, χρόνον ἐτῶν πεντακοσίων τοῖσ Λυκούργου χρησαμένη νόμοισ, οὓσ δεκατεσσάρων βασιλέων μετ’ ἐκεῖνον εἰσ Ἆγιν τὸν Ἀρχιδάμου γενομένων οὐδεὶσ ἐκίνησεν.

ἡ γάρ τῶν ἐφόρων κατάστασισ οὐκ ἄνεσισ ἦν, ἀλλ’ ἐπίτασισ τῆσ πολιτείασ, καὶ δοκοῦσα πρὸσ τοῦ δήμου γεγονέναι σφοδροτέραν ἐποίησε τὴν ἀριστοκρατίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 29

(플루타르코스, Lycurgus, chapter 29)

상위

목록

SEARCH

MENU NAVIGATION