Plutarch, De E apud Delphos, section 9

(플루타르코스, De E apud Delphos, section 9)

"ἐὰν οὖν ἔρηταί τισ, τί ταῦτα πρὸσ τὸν Ἀπόλλωνα, φήσομεν οὐχὶ μόνον ἀλλὰ καὶ πρὸσ τὸν Διόνυσον, ᾧ τῶν Δελφῶν οὐδὲν ἧττον ἢ τῷ Ἀπόλλωνι μέτεστιν. "ἀκούομεν οὖν τῶν θεολόγων τὰ μὲν ἐν ποιήμασι τὰ δ’ ἄνευ μέτρου λεγόντων καὶ ὑμνούντων, ὡσ ἄφθαρτοσ ὁ θεὸσ καὶ ἀίδιοσ πεφυκώσ, ὑπὸ δή τινοσ εἱμαρμένησ γνώμησ καὶ λόγου μεταβολαῖσ ἑαυτοῦ χρώμενοσ, ἄλλοτε μὲν εἰσ πῦρ ἀνῆψε τὴν φύσιν πάνθ’ ὁμοιώσασ πᾶσιν, ἄλλοτε δὲ παντοδαπὸσ ἔν τε μορφαῖσ καὶ ἐν πάθεσι καὶ δυνάμεσι διαφόροισ γιγνόμενοσ, ὡσ γίγνεται νῦν, κόσμοσ ὀνομάζεται δὲ τῷ γνωριμωτάτῳ τῶν ὀνομάτων. "κρυπτόμενοι δὲ τοὺσ πολλοὺσ οἱ σοφώτεροι τὴν μὲν εἰσ πῦρ μεταβολὴν Ἀπόλλωνά τε τῇ μονώσει Φοῖβόν τε τῷ καθαρῷ καὶ ἀμιάντῳ καλοῦσι. "τῆσ δ’ εἰσ πνεύματα καὶ ὓδωρ καὶ γῆν καὶ ἄστρα καὶ φυτῶν ζῴων τε γενέσεισ τροπῆσ αὐτοῦ καὶ διακοσμήσεωσ τὸ μὲν πάθημα καὶ τὴν μεταβολὴν διασπασμόν τινα καὶ διαμελισμὸν αἰνίττονται· "Διόνυσον δὲ καὶ Ζαγρέα καὶ Νυκτέλιον καὶ Ἰσοδαίτην αὐτὸν ὀνομάζουσι, καὶ φθοράσ τινασ καὶ ἀφανισμοὺσ οἱ τὰσ ἀποβιώσεισ καὶ παλιγγενεσίασ, οἰκεῖα ταῖσ εἰρημέναισ μεταβολαῖσ αἰνίγματα καὶ μυθεύματα περαίνουσι· "καὶ ᾅδουσι τῷ μὲν διθυραμβικὰ μέλη παθῶν μεστὰ καὶ μεταβολῆσ πλάνην τινὰ καὶ διαφόρησιν ἐχούσησ· "μιξοβόαν γὰρ Αἰσχύλοσ φησὶ πρέπει διθύραμβον ὁμαρτεῖν σύγκωμον Διονύσῳ; "τῷ δὲ παιᾶνα, τεταγμένην καὶ σώφρονα μοῦσαν. "ἀγήρων τε τοῦτον ἀεὶ καὶ νέον ἐκεῖνον δὲ πολυειδῆ καὶ πολύμορφον ἐν γραφαῖσ καὶ πλάσμασι δημιουργοῦσι· "καὶ ὅλωσ τῷ μὲν ὁμοιότητα καὶ τάξιν καὶ σπουδὴν ἄκρατον, τῷ δὲ μεμιγμένην τινὰ παιδιᾷ καὶ ὕβρει καὶ σπουδῇ καὶ μανίᾳ προσφέροντεσ ἀνωμαλίαν, εὐιόν ὀρσιγύναικα μαινομέναισ Διόνυσον ἀνθέοντα τιμαῖσ ἀνακαλοῦσιν, οὐ φαύλωσ ἑκατέρασ μεταβολῆσ τὸ οἰκεῖον λαμβάνοντεσ. "ἐπεὶ δ’ οὐκ ἴσοσ τῶν περιόδων ἐν ταῖσ μεταβολαῖσ χρόνοσ, ἀλλὰ μείζων ὁ τῆσ ἑτέρασ ἣν κόρον· "καλοῦσιν, ὁ δὲ τῆσ χρησμοσύνησ ἐλάττων, τὸ κατὰ λόγον τηροῦντεσ ἐνταῦθα τὸν μὲν ἄλλον ἐνιαυτὸν παιᾶνι χρῶνται περὶ τὰσ θυσίασ, ἀρχομένου δὲ χειμῶνοσ ἐπεγείραντεσ διθύραμβον τὸν δὲ παιᾶνα καταπαύσαντεσ, τρεῖσ μῆνασ ἀντ’ ἐκείνου τοῦτον κατακαλοῦνται τὸν θεὸν · "ὅπερ τρία πρὸσ ἕν, τοῦτο τὴν διακόσμησιν οἰόμενοι χρόνῳ πρὸσ τὴν ἐκπύρωσιν εἶναι.

일치하는 문장이 없습니다.

SEARCH

MENU NAVIGATION