헬라어 문장 검색 - Πλυταρ́ΔεΕαπυδ́08́0́00́

(플루타르코스, De E apud Delphos, section 8)

εἶπον οὖν κάλλιστα τὸν Εὔστροφον τῷ ἀριθμῷ λύειν τὴν ἀπορίαν; "εἰσ τὸ ἄρτιον νενεμημένου παντὸσ ἀριθμοῦ καὶ τὸ περιττὸν τὸν ἡ μὲν μονὰσ ἀμφοτέρων ἐπίκοινόσ ἐστι τῇ δυνάμει διὸ καὶ προστιθεμένη τὸν μὲν περιττὸν ἀριθμὸν ἄρτιον ποιεῖ τὸν δ’ ἄρτιον περιττόν ἀρχὴν δὲ τοῦ μὲν ἀρτίου τὰ δύο τοῦ δὲ περιττοῦ τὰ τρία ποιοῦνται , τὰ δὲ πέντε γεννᾶται τούτων πρὸσ ἀλλήλουσ μιγνυμένων εἰκότωσ; "ἔσχηκε τιμὴν πρῶτοσ ἐκ πρώτων ἀποτελούμενοσ, καὶ γάμοσ ἐπωνόμασται τῇ τοῦ ἀρτίου πρὸσ τὸ θῆλυ περιττοῦ δ’ αὖ πρὸσ τὸ ἄρρεν ὁμοιότητι· "ταῖσ γὰρ εἰσ ἴσα τομαῖσ τῶν ἀριθμῶν, ὁ μὲν ἄρτιοσ πάντῃ διιστάμενοσ ὑπολείπει τινὰ δεκτικὴν ἀρχὴν οἱο͂ν ἐν ἑαυτῷ καὶ χώραν, ἐν δὲ τῷ περιττῷ ταὐτὸ παθόντι μέσον ἀεὶ περίεστι τῆσ νεμήσεωσ γόνιμον· "ᾗ γονιμώτερόσ ἐστι τοῦ ἑτέρου, καὶ μιγνύμενοσ ἀεὶ κρατεῖ κρατεῖται δ’ οὐδέποτε γίγνεται γὰρ ἐξ ἀμφοῖν κατ’ οὐδεμίαν μῖξιν ἄρτιοσ ἀλλὰ κατὰ πάσασ περιττόσ. ἔτι δὲ μᾶλλον αὐτὸσ ἐπιβάλλων αὑτῷ καὶ συντιθέμενοσ δείκνυσι τὴν διαφορὰν ἑκάτεροσ· "ἄρτιοσ μὲν γὰρ οὐδεὶσ ἀρτίῳ συνελθὼν περισσὸν παρέσχεν οὐδ’ ἐξέβη τὸ οἰκεῖον ὑπ’ ἀσθενείασ ἄγονοσ ὢν ἑτέρου καὶ ἀτελήσ περισσοὶ δὲ μιγνύμενοι περισσοῖσ ἀρτίουσ πολλοὺσ διὰ τὸ πάντῃ γόνιμον ἀποτελοῦσι. "τὰσ δ’ ἄλλασ οὐκ ἄν τισ ἐν καιρῷ νῦν ἐπεξίοι δυνάμεισ καὶ διαφορὰσ τῶν ἀριθμῶν. ὡσ οὖν ἄρρενόσ τε τοῦ πρώτου καὶ θήλεοσ ὁμιλίᾳ τὰ πέντε γιγνόμενα γάμον οἱ Πυθαγόρειοι προσεῖπον. "ἔστι δ’ καὶ φύσισ λέλεκται τῷ περὶ αὑτὸν πολυπλασιασμῷ πάλιν εἰσ ἑαυτὸν περαίνων. "ὡσ γὰρ ἡ φύσισ λαβοῦσα πυρὸν ἐν σπέρματι καὶ χεαμένη πολλὰ μὲν ἐν μέσῳ φύει σχήματα καὶ εἴδη, δι’ ὧν ἐπὶ τέλοσ ἐξάγει τὸ ἔργον, ἐπὶ πᾶσι δὲ πυρὸν ἀνέδειξεν ἀποδοῦσα τὴν ἀρχὴν ἐν τῷ τέλει τοῦ παντόσ· "οὕτω τῶν λοιπῶν ἀριθμῶν, ὅταν αὑτοὺσ πολλαπλασιάσωσιν , εἰσ ἑτέρουσ τελευτώντων τῇ αὐξήσει, μόνοσ ὁ τῶν πέντε καὶ ἓξ γενόμενοσ τοσαυτάκισ αὑτοὺσ ἀναφέρουσι καὶ ἀνασῴζουσιν. "ἑξάκισ γὰρ τὰ ἓξ τριακονταὲξ, καὶ πεντάκισ τὰ πέντε εἰκοσιπέντε γίγνεται. "καὶ πάλιν ὁ μὲν τῶν ἓξ ἅπαξ τοῦτο ποιεῖ καὶ μοναχῶσ αὐτὸσ ἀφ’ ἑαυτοῦ τετράγωνοσ γιγνόμενοσ· "τῇ δὲ πεμπάδι καὶ τοῦτο μὲν συμβέβηκε κατὰ πολυαπλασιασμόν, ἰδίωσ δὲ τὸ κατὰ σύνθεσιν ἢ ἑαυτὴν ἢ τὴν δεκάδα ποιεῖν παρὰ μέροσ ἐπιβάλλουσαν αὑτῇ , καὶ τοῦτο γίγνεσθαι μέχρι παντὸσ, ἀπομιμουμένου τοῦ ἀριθμοῦ τὴν τὰ ὅλα διακοσμοῦσαν ἀρχήν. ὡσ γὰρ ἐκείνην φυλάττουσαν ἐκ μὲν ἑαυτῆσ τὸν κόσμον ἐκ δὲ τοῦ κόσμου πάλιν αὖ ἑαυτὴν ἀποτελεῖν πυρὸσ τ’ ἀνταμείβεσθαι πάντα φησὶν ὁ Ἡράκλειτοσ καὶ πῦρ ἁπάντων, ὅκωσπερ χρυσοῦ χρήματα καὶ χρημάτων χρυσόσ· "οὕτωσ ἡ τῆσ πεμπάδοσ πρὸσ ἑαυτὴν σύνοδοσ οὐδὲν οὔτ’ ἀτελὲσ οὔτ’ ἀλλότριον γεννᾶν πέφυκεν, ἀλλ’ ὡρισμένασ ἔχει μεταβολάσ· "ἢ γὰρ αὑτὴν ἢ τὴν δεκάδα γεννᾷ, τουτέστιν ἢ τὸ οἰκεῖον ἢ τὸ τέλειον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De E apud Delphos, section 8

(플루타르코스, De E apud Delphos, section 8)

상위

목록

SEARCH

MENU NAVIGATION