헬라어 문장 검색 - Πλυταρ́Ξρασσυσ́27́

(플루타르코스, chapter 27)

τοιαῦτα λέγων καὶ παραθαρσύνων ὁ Κράσσοσ οὐ πολλοὺσ ἑώρα προθύμωσ ὑπακούοντασ, ἀλλὰ καὶ συναλαλάξαι κελεύσασ ἤλεγξε τοῦ στρατοῦ τήν κατήφειαν, ὡσ ἀσθενῆ καὶ ὀλίγην καὶ ἀνώμαλον κραυγὴν ἐποιήσαντο· ἡ δὲ παρὰ τῶν βαρβάρων λαμπρὰ καὶ θρασεῖα κατεῖχεν. τραπομένων δὲ πρὸσ ἔργον οἱ μὲν ἱππόται πλάγιοι περιελαύνοντεσ ἐτόξευον, αὐτοὶ δὲ τοῖσ κοντοῖσ οἱ πρότακτοι χρώμενοι συνέστελλον εἰσ ὀλίγον τοὺσ Ῥωμαίουσ, πλὴν ὅσοι τὸν ὑπὸ τῶν τοξευμάτων φεύγοντεσ θάνατον ἀπετόλμων παραβόλωσ εἰσ αὐτοὺσ φέρεσθαι, μικρὰ μὲν βλάπτοντεσ, ὀξέωσ δὲ θνῄσκοντεσ ὑπὸ τραυμάτων μεγάλων καὶ καιρίων, παχὺν ἐπωθούντων τῷ σιδήρῳ τὸν κοντόν εἰσ τοὺσ ἵππουσ, πολλάκισ δὲ καὶ διὰ δυεῖν ἀνδρῶν ὑπὸ ῥύμησ διαπορευόμενον. οὕτω δὲ ἀγωνισάμενοι νυκτὸσ ἐπιούσησ ἀπηλλάγησαν, εἰπόντεσ ὅτι Κράσσῳ χαρίζονται νύκτα μίαν ἀποθρηνῆσαι τὸν υἱόν, ἢν ἄρα μὴ βέλτιον ὑπὲρ ἑαυτοῦ σκεψάμενοσ ἐλθεῖν μᾶλλον ἐθελήσῃ πρὸσ Ἀρσάκην ἢ κομισθῆναι.

οὗτοι μὲν οὖν ἐπαυλισάμενοι πλησίον ἐν ἐλπίσι μεγάλαισ ἦσαν νὺξ δὲ χαλεπὴ τοὺσ Ῥωμαίουσ κατελάμβανεν, οὔτε ταφῆσ τῶν κειμένων οὔτε θεραπείασ τῶν τετρωμένων καὶ ψυχορραγούντων ποιουμένουσ λόγον, ἑκάστου δ’ ἑαυτὸν ἀποκλαίοντοσ.

ἄφυκτα γὰρ ἐφαίνετο τήν τε ἡμέραν αὐτοῦ προσμείνασι καὶ νύκτωρ εἰσ πεδίον ἀχανὲσ ἐμβαλοῦσιν· οἵ τε τραυματίαι πολλὴν ἀπορίαν παρεῖχον, καὶ κομίζειν, ἐμποδὼν τῷ τάχει τῆσ φυγῆσ ἐσόμενοι, καὶ ἀπολείπειν, βοῇ τήν ἀπόδρασιν ἐξαγγελοῦντεσ. τοῦ δὲ Κράσσου, καίπερ αἴτιον ἁπάντων νομίζοντεσ, ἐπόθουν ὅμωσ τήν τε ὄψιν καὶ τήν φωνήν.

ὁ δὲ καθ’ ἑαυτὸν ἐγκεκαλυμμένοσ ὑπὸ σκότουσ ἔκειτο, παράδειγμα τοῖσ πολλοῖσ τύχησ, τοῖσ δ’ εὖ φρονοῦσιν ἀβουλίασ καὶ φιλοτιμίασ, δι’ ἣν οὐκ ἠγάπα πρῶτοσ ὢν καὶ μέγιστοσ ἐν μυριάσιν ἀνθρώπων τοσαύταισ, ἀλλ’ ὅτι δυεῖν μόνον ἀνδρῶν ὕστεροσ ἐκρίνετο, τοῦ παντὸσ ἀποδεῖν νομίζων. τότε δ’ οὖν αὑτὸν Ὀκταούϊοσ ὁ πρεσβευτὴσ καὶ Κάσσιοσ ἀνίστασαν καὶ παρεθάρρυνον, ὡσ δ’ ἀπηγορεύκει παντάπασιν, αὐτοὶ συγκαλέσαντεσ ἑκατοντάρχασ καὶ λοχαγούσ, ὡσ ἔδοξε βουλευομένοισ μὴ μένειν, ἀνίστασαν τὸν στρατὸν ἄνευ σάλπιγγοσ καὶ δι’ ἡσυχίασ τὸ πρῶτον·

εἶτ’ αἰσθομένων ὡσ ἀπελείποντο τῶν ἀδυνάτων, ἀκοσμία δεινὴ καὶ σύγχυσισ μετ’ οἰμωγῆσ καὶ βοῆσ τὸ στρατόπεδον κατεῖχεν. ἐκ τούτου δὲ ταραχὴ καὶ πτοία προϊόντασ αὐτοὺσ ὑπελάμβανεν, ὡσ ἐπιφερομένων τῶν πολεμίων, καὶ πολλάκισ μὲν ἐκτρεπόμενοι, πολλάκισ δὲ εἰσ τάξιν καθιστάμενοι, τῶν δὲ τραυματιῶν ὅσοι παρηκολούθουν τοὺσ μὲν ἀναλαμβάνοντεσ, τοὺσ δὲ ἀποτιθέμενοι, διατριβὴν εἶχον, πλὴν τριακοσίων ἱππέων, οὓσ Ἰγνάτιοσ ἔχων προσέμιξε ταῖσ Κάρραισ περὶ μέσασ νύκτασ.

φθεγξάμενοσ δὲ Ῥωμαϊστὶ τοῖσ τειχοφυλακοῦσιν, ὡσ ὑπήκουσαν, ἐκέλευσε Κοπωνίῳ τῷ ἄρχοντι φράζειν ὅτι γέγονε μάχη μεγάλη Κράσσῳ πρὸσ Πάρθουσ, ἄλλο δ’ οὐδὲν εἰπὼν οὐδ’ αὑτὸν ὅστισ ἦν ἀπήλαυνεν ἐπὶ τὸ Ζεῦγμα, καὶ διέσωσε μὲν τοὺσ σὺν αὑτῷ, κακῶσ δ’ ἤκουσε καταλιπὼν τὸν στρατηγόν.

οὐ μὴν ἀλλ’ ὤνησέ γε τὸν Κράσσον ἡ προσριφεῖσα τότε τῷ Κοπωνίῳ φωνή·

συμφρονήσασ γὰρ ὅτι οὐδὲν χρηστὸν ἀγγέλλειν ἔχοντόσ ἐστι τὸ τάχοσ καὶ τὸ συγκεχυμένον τοῦ λόγου, παρήγγειλεν εὐθὺσ ἐξοπλίζεσθαι τοὺσ στρατιώτασ· καὶ ἅμα τῷ πρῶτον αἰσθέσθαι τὸν Κράσσον ἐν ὁδῷ γεγενημένον ἀπαντήσασ ἀνελάμβανε καὶ παρέπεμπε τήν στρατιὰν εἰσ τήν πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 27

(플루타르코스, chapter 27)

상위

목록

SEARCH

MENU NAVIGATION