Plutarch, Comparison of Demetrius and Antony, chapter 5 2:

ἃ τοίνυν ἐπιώρκησαν ἀμφότεροι καὶ παρεσπόνδησαν, ὁ μὲν Ἀρτάβαζον συλλαβών, ὁ δὲ Ἀλέξανδρον ἀποκτείνασ, Ἀντωνίῳ μὲν ἔχει τὴν πρόφασιν ὁμολογουμένην· ἀπελείφθη γὰρ ἐν Μήδοισ ὑπὸ Ἀρταβάζου καὶ προεδόθη· Δημήτριον δὲ πολλοὶ λέγουσι ψευδεῖσ αἰτίασ, ἐφ’ οἷσ ἔδρασε, πλασάμενον κατηγορεῖν ἀδικηθέντα, οὐκ ἀδικήσαντα ἀμύνασθαι. πάλιν δὲ τῶν μὲν κατορθωμάτων αὐτουργὸσ ὁ Δημήτριοσ γέγονε· καὶ τοὐναντίον ὁ Ἀντώνιοσ, ἐν οἷσ οὐ παρῆν, καλλίστασ καὶ μεγίστασ διὰ τῶν στρατηγῶν ἀνῃρεῖτο νίκασ.