호흡부호 보기
강세부호 보기
장단부호 보기
작은 Iota 보기
모든 부호 보기
ἐξέπεσον δὲ τῶν πραγμάτων ἀμφότεροι μὲν δἰ αὑτούσ, οὐ μὴν ὁμοίωσ, ἀλλ’ ὁ μὲν ἐγκαταλειφθείσ, ἀπέστησαν γὰρ αὐτοῦ Μακεδόνεσ, ὁ δὲ ἐγκαταλιπών, ἔφυγε γὰρ τοὺσ ὑπὲρ αὐτοῦ κινδυνεύοντασ· ὥστε τοῦ μὲν ἔγκλημα εἶναι τὸ δυσμενεῖσ οὕτω πρὸσ αὑτὸν ἀπεργάσασθαι τοὺσ μαχομένουσ, τοῦ δὲ τὸ παρεσκευασμένην εὔνοιαν τοιαύτην καὶ πίστιν ἐγκαταλιπεῖν. τὸν δὲ θάνατον οὐδετέρου μὲν ἔστιν ἐπαινέσαι, ψεκτὸσ δὲ ὁ Δημητρίου μᾶλλον.
αἰχμάλωτόσ τε γὰρ ὑπέμεινε γενέσθαι, καὶ καθειρχθεὶσ ἠγάπησεν ἐπικερδᾶναι τριετίαν, οἴνῳ καὶ γαστρὶ καθάπερ τὰ ζῷα χειροήθησ γενόμενοσ. Ἀντώνιοσ δὲ δειλῶσ μὲν καὶ οἰκτρῶσ καὶ ἀτίμωσ, οὐ μὴν ἀλλὰ πρό γε τοῦ κύριον γενέσθαι τὸν πολέμιον τοῦ σώματοσ ἑαυτόν ἐξήγαγεν.
호흡부호 보기
강세부호 보기
장단부호 보기
작은 Iota 보기
모든 부호 보기