헬라어 문장 검색 - Πλυταρ́Ξομπαρι

(플루타르코스, Comparison of Demetrius and Antony, chapter 3)

ὑβρισταὶ μὲν εὐτυχοῦντεσ ἀμφότεροι, καὶ πρὸσ τρυφὰσ ἀνειμένοι καὶ ἀπολαύσεισ. οὐκ ἂν εἴποι δέ τισ ὡσ Δημήτριον ἐν εὐπαθείαισ καὶ συνουσίαισ ὄντα πράξεων καιρὸσ ἐξέφυγεν, ἀλλὰ τῇ περιουσίᾳ τῆσ σχολῆσ ἐπεισῆγε τὰσ ἡδονάσ, καὶ τὴν Λάμιαν ὥσπερ τὴν μυθικὴν ἀτεχνῶσ παίζων καὶ νυστάζων ἐποιεῖτο διαγωγήν. ἐν δὲ ταῖσ τοῦ πολέμου παρασκευαῖσ οὐκ εἶχεν αὐτοῦ τὸ δόρυ κιττόν, οὐδὲ μύρων ὠδώδει τὸ κράνοσ, οὐδὲ γεγανωμένοσ καὶ ἀνθηρὸσ ἐπὶ τὰσ μάχασ ἐκ τῆσ γυναικωνίτιδοσ προῄει, κοιμίζων δὲ τοὺσ θιάσουσ καὶ τὰ βακχεῖα καταπαύων ἀμφίπολοσ Ἄρεοσ ἀνιέρου, κατὰ τὸν Εὐριπίδην, ἐγίνετο, καὶ δἰ ἡδονὴν ἢ ῥαθυμίαν οὐθὲν ἁπλῶσ ἔπταισεν.

Ἀντώνιον δέ, ὥσπερ ἐν ταῖσ γραφαῖσ ὁρῶμεν τοῦ Ἡρακλέουσ τὴν Ὀμφάλην ὑφαιροῦσαν τὸ ῥόπαλον καὶ τὴν λεοντῆν ἀποδύουσαν, οὕτω πολλάκισ Κλεοπάτρα παροπλίσασα καὶ καταθέλξασα συνέπεισεν ἀφέντα μεγάλασ πράξεισ ἐκ τῶν χειρῶν καὶ στρατείασ ἀναγκαίασ ἐν ταῖσ περὶ Κάνωβον καὶ Ταφόσιριν ἀκταῖσ ἀλύειν καὶ παίζειν μετ’ αὐτῆσ.

τέλοσ δέ, ὡσ ὁ Πάρισ, ἐκ τῆσ μάχησ ἀποδρὰσ εἰσ τοὺσ ἐκείνησ κατεδύετο κόλπουσ·

μᾶλλον δὲ ὁ μὲν Πάρισ ἡττηθεὶσ ἔφυγεν εἰσ τὸν θάλαμον, Ἀντώνιοσ δὲ Κλεοπάτραν διώκων ἔφυγε καὶ προήκατο τὴν νίκην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Demetrius and Antony, chapter 3

(플루타르코스, Comparison of Demetrius and Antony, chapter 3)

상위

목록

SEARCH

MENU NAVIGATION