호흡부호 보기
강세부호 보기
장단부호 보기
작은 Iota 보기
모든 부호 보기
πρὸσ μέντοι γονεῖσ ἄμεμπτον ἑαυτὸν εἰσ ἅπαντα παρέσχεν ὁ Δημήτριοσ· Ἀντώνιοσ δὲ τὸν ἀδελφὸν τῆσ μητρὸσ ἐξέδωκεν ἐπὶ τῷ Κικέρωνα ἀποκτεῖναι, πρᾶγμα καὶ καθ’ ἑαυτὸ μιαρὸν καὶ ὠμόν, ὡσ μόλισ ἂν Ἀντώνιον ἐπ’ αὐτῷ συγγνώμησ τυχεῖν, εἰ σωτηρίασ τοῦ θείου μισθὸσ ἦν ὁ Κικέρωνοσ θάνατοσ. ἃ τοίνυν ἐπιώρκησαν ἀμφότεροι καὶ παρεσπόνδησαν, ὁ μὲν Ἀρτάβαζον συλλαβών, ὁ δὲ Ἀλέξανδρον ἀποκτείνασ, Ἀντωνίῳ μὲν ἔχει τὴν πρόφασιν ὁμολογουμένην·
ἀπελείφθη γὰρ ἐν Μήδοισ ὑπὸ Ἀρταβάζου καὶ προεδόθη· Δημήτριον δὲ πολλοὶ λέγουσι ψευδεῖσ αἰτίασ, ἐφ’ οἷσ ἔδρασε, πλασάμενον κατηγορεῖν ἀδικηθέντα, οὐκ ἀδικήσαντα ἀμύνασθαι. πάλιν δὲ τῶν μὲν κατορθωμάτων αὐτουργὸσ ὁ Δημήτριοσ γέγονε· καὶ τοὐναντίον ὁ Ἀντώνιοσ, ἐν οἷσ οὐ παρῆν, καλλίστασ καὶ μεγίστασ διὰ τῶν στρατηγῶν ἀνῃρεῖτο νίκασ.
호흡부호 보기
강세부호 보기
장단부호 보기
작은 Iota 보기
모든 부호 보기