Plato, Euthydemus, Protagoras, Gorgias, Meno, Μένων 154:

τί οὖν; ἐθέλουσιν οὗτοι παρέχειν αὑτοὺσ διδασκάλουσ τοῖσ νέοισ, καὶ ὁμολογεῖν διδάσκαλοί τε εἶναι καὶ διδακτὸν ἀρετήν; οὐ μὰ τὸν Δία, ὦ Σώκρατεσ, ἀλλὰ τοτὲ μὲν ἂν αὐτῶν ἀκούσαισ ὡσ διδακτόν, τοτὲ δὲ ὡσ οὔ. φῶμεν οὖν τούτουσ διδασκάλουσ εἶναι τούτου τοῦ πράγματοσ, οἷσ μηδὲ αὐτὸ τοῦτο ὁμολογεῖται; οὔ μοι δοκεῖ, ὦ Σώκρατεσ. τί δὲ δή; οἱ σοφισταί σοι οὗτοι, οἵπερ μόνοι ἐπαγγέλλονται, δοκοῦσι διδάσκαλοι εἶναι ἀρετῆσ;