Plato, Euthydemus, Protagoras, Gorgias, Meno, Μένων 97:

οὗτοσ γὰρ ποιήσει περὶ πάσησ γεωμετρίασ ταὐτὰ ταῦτα, καὶ τῶν ἄλλων μαθημάτων ἁπάντων. ἔστιν οὖν ὅστισ τοῦτον πάντα δεδίδαχεν; δίκαιοσ γάρ που εἶ εἰδέναι, ἄλλωσ τε ἐπειδὴ ἐν τῇ σῇ οἰκίᾳ γέγονεν καὶ τέθραπται. ἀλλ’ οἶδα ἔγωγε ὅτι οὐδεὶσ πώποτε ἐδίδαξεν. ἔχει δὲ ταύτασ τὰσ δόξασ, ἢ οὐχί; ἀνάγκη, ὦ Σώκρατεσ, φαίνεται. εἰ δὲ μὴ ἐν τῷ νῦν βίῳ λαβών, οὐκ ἤδη τοῦτο δῆλον, ὅτι ἐν ἄλλῳ τινὶ χρόνῳ εἶχε καὶ ἐμεμαθήκει;