Plato, Euthydemus, Protagoras, Gorgias, Meno, Μένων 81:

ναί. ἀναγραψώμεθα δὴ ἀπ’ αὐτῆσ ἴσασ τέτταρασ. ἄλλο τι ἢ τουτὶ ἂν εἰή ὃ φῂσ τὸ ὀκτώπουν εἶναι; πάνυ γε. οὐκοῦν ἐν αὐτῷ ἐστιν ταυτὶ τέτταρα, ὧν ἕκαστον ἴσον τούτῳ ἐστὶν τῷ τετράποδι; ναί. πόσον οὖν γίγνεται; οὐ τετράκισ τοσοῦτον; πῶσ δ’ οὔ; διπλάσιον οὖν ἐστιν τὸ τετράκισ τοσοῦτον; οὐ μὰ Δία. ἀλλὰ ποσαπλάσιον; τετραπλάσιον. ἀπὸ τῆσ διπλασίασ ἄρα, ὦ παῖ, οὐ διπλάσιον ἀλλὰ τετραπλάσιον γίγνεται χωρίον.