Plato, Euthydemus, Protagoras, Gorgias, Meno, Μένων 76:

ναί. ἐπειδὴ δὲ δυοῖν ποδοῖν καὶ ταύτῃ, ἄλλο τι ἢ δὶσ δυοῖν γίγνεται; γίγνεται. δυοῖν ἄρα δὶσ γίγνεται ποδῶν; ναί. πόσοι οὖν εἰσιν οἱ δύο δὶσ πόδεσ; λογισάμενοσ εἰπέ. τέτταρεσ, ὦ Σώκρατεσ. οὐκοῦν γένοιτ’ ἂν τούτου τοῦ χωρίου ἕτερον διπλάσιον, τοιοῦτον δέ, ἴσασ ἔχον πάσασ τὰσ γραμμὰσ ὥσπερ τοῦτο; ναί. πόσων οὖν ἔσται ποδῶν; ὀκτώ. φέρε δή, πειρῶ μοι εἰπεῖν πηλίκη τισ ἔσται ἐκείνου ἡ γραμμὴ ἑκάστη.