Plato, Euthydemus, Protagoras, Gorgias, Meno, Γοργίας 477:

προσήκει δὲ παντὶ τῷ ἐν τιμωρίᾳ ὄντι, ὑπ’ ἄλλου ὀρθῶσ τιμωρουμένῳ, ἢ βελτίονι γίγνεσθαι καὶ ὀνίνασθαι ἢ παραδείγματι τοῖσ ἄλλοισ γίγνεσθαι, ἵνα ἄλλοι ὁρῶντεσ πάσχοντα ἃ ἂν πάσχῃ φοβούμενοι βελτίουσ γίγνωνται. εἰσὶν δὲ οἱ μὲν ὠφελούμενοί τε καὶ δίκην διδόντεσ ὑπὸ θεῶν τε καὶ ἀνθρώπων οὗτοι οἳ ἂν ἰάσιμα ἁμαρτήματα ἁμάρτωσιν· ὅμωσ δὲ δι’ ἀλγηδόνων καὶ ὀδυνῶν γίγνεται αὐτοῖσ ἡ ὠφελία καὶ ἐνθάδε καὶ ἐν Αἵδου· οὐ γὰρ οἱο͂́ν τε ἄλλωσ ἀδικίασ ἀπαλλάττεσθαι.