Plato, Euthydemus, Protagoras, Gorgias, Meno, Γοργίας 398:

διὰ ταῦτα οὐ νόμοσ ἐστὶ σεμνύνεσθαι τὸν κυβερνήτην, καίπερ σῴζοντα ἡμᾶσ, οὐδέ γε, ὦ θαυμάσιε, τὸν μηχανοποιόν, ὃσ οὔτε στρατηγοῦ, μὴ ὅτι κυβερνήτου, οὔτε ἄλλου οὐδενὸσ ἐλάττω ἐνίοτε δύναται σῴζειν· πόλεισ γὰρ ἔστιν ὅτε ὅλασ σῴζει. μή σοι δοκεῖ κατὰ τὸν δικανικὸν εἶναι; καίτοι εἰ βούλοιτο λέγειν, ὦ Καλλίκλεισ, ἅπερ ὑμεῖσ, σεμνύνων τὸ πρᾶγμα, καταχώσειεν ἂν ὑμᾶσ τοῖσ λόγοισ, λέγων καὶ παρακαλῶν ἐπὶ τὸ δεῖν γίγνεσθαι μηχανοποιούσ, ὡσ οὐδὲν τἆλλά ἐστιν·