Plato, Euthydemus, Protagoras, Gorgias, Meno, Γοργίας 332:

πρῶτον δὲ σκεψώμεθα τὴν αὐλητικήν. οὐ δοκεῖ σοι τοιαύτη τισ εἶναι, ὦ Καλλίκλεισ, τὴν ἡδονὴν ἡμῶν μόνον διώκειν, ἄλλο δ’ οὐδὲν φροντίζειν; ἔμοιγε δοκεῖ. οὐκοῦν καὶ αἱ τοιαίδε ἅπασαι, οἱο͂ν ἡ κιθαριστικὴ ἡ ἐν τοῖσ ἀγῶσιν; ναί. τί δὲ ἡ τῶν χορῶν διδασκαλία καὶ ἡ τῶν διθυράμβων ποίησισ; οὐ τοιαύτη τίσ σοι καταφαίνεται; ἢ ἡγῇ τι φροντίζειν Κινησίαν τὸν Μέλητοσ, ὅπωσ ἐρεῖ τι τοιοῦτον ὅθεν ἂν οἱ ἀκούοντεσ βελτίουσ γίγνοιντο, ἢ ὅτι μέλλει χαριεῖσθαι τῷ ὄχλῳ τῶν θεατῶν;