Plato, Euthydemus, Protagoras, Gorgias, Meno, Γοργίας 320:

πάνυ γε. οὐκοῦν καὶ λῦπαι ὡσαύτωσ αἱ μὲν χρησταί εἰσιν, αἱ δὲ πονηραί; πῶσ γὰρ οὔ; οὐκοῦν τὰσ μὲν χρηστὰσ καὶ ἡδονὰσ καὶ λύπασ καὶ αἱρετέον ἐστὶν καὶ πρακτέον; πάνυ γε. τὰσ δὲ πονηρὰσ οὔ; δῆλον δή. ἕνεκα γάρ που τῶν ἀγαθῶν ἅπαντα ἡμῖν ἔδοξεν πρακτέον εἶναι, εἰ μνημονεύεισ, ἐμοί τε καὶ Πώλῳ. ἆρα καὶ σοὶ συνδοκεῖ οὕτω, τέλοσ εἶναι ἁπασῶν τῶν πράξεων τὸ ἀγαθόν, καὶ ἐκείνου ἕνεκα δεῖν πάντα τἆλλα πράττεσθαι ἀλλ’ οὐκ ἐκεῖνο τῶν ἄλλων;