Plato, Euthydemus, Protagoras, Gorgias, Meno, Γοργίας 310:

οὐδέν· ἀλλ’ ἀποκρίνου. εἶδον. τί δέ; νοῦν ἔχοντα λυπούμενον καὶ χαίροντα; φημί. πότεροι δὲ μᾶλλον χαίρουσι καὶ λυποῦνται, οἱ φρόνιμοι ἢ οἱ ἄφρονεσ; οἶμαι ἔγωγε οὐ πολύ τι διαφέρειν. ἀλλ’ ἀρκεῖ καὶ τοῦτο. ἐν πολέμῳ δὲ ἤδη εἶδεσ ἄνδρα δειλόν; πῶσ γὰρ οὔ; τί οὖν; ἀπιόντων τῶν πολεμίων πότεροί σοι ἐδόκουν μᾶλλον χαίρειν, οἱ δειλοὶ ἢ οἱ ἀνδρεῖοι; ἀμφότεροι ἔμοιγε μᾶλλον·