Plato, Euthydemus, Protagoras, Gorgias, Meno, Γοργίας 193:

δῆλον δή. δεύτεροσ δέ που ὁ ἀπαλλαττόμενοσ. ἐοίκεν. οὗτοσ δ’ ἦν ὁ νουθετούμενόσ τε καὶ ἐπιπληττόμενοσ καὶ δίκην διδούσ. ναί. κάκιστα ἄρα ζῇ ὁ ἔχων ἀδικίαν καὶ μὴ ἀπαλλαττόμενοσ. φαίνεται. οὐκοῦν οὗτοσ τυγχάνει ὢν ὃσ ἂν τὰ μέγιστα ἀδικῶν καὶ χρώμενοσ μεγίστῃ ἀδικίᾳ διαπράξηται ὥστε μήτε νουθετεῖσθαι μήτε κολάζεσθαι μήτε δίκην διδόναι, ὥσπερ σὺ φῂσ Ἀρχέλαον παρεσκευάσθαι καὶ τοὺσ ἄλλουσ τυράννουσ καὶ ῥήτορασ καὶ δυνάστασ;