Plato, Euthydemus, Protagoras, Gorgias, Meno, Γοργίας 179:

ναί. τοιοῦτον ἄρα πάθοσ τῷ τυπτομένῳ ἐστὶν οἱο͂ν ἂν τὸ τύπτον ποιῇ; πάνυ γε. οὐκοῦν καὶ εἰ κάει τισ, ἀνάγκη τι κάεσθαι; πῶσ γὰρ οὔ; καὶ εἰ σφόδρα γε κάει ἢ ἀλγεινῶσ, οὕτω κάεσθαι τὸ καόμενον ὡσ ἂν τὸ κᾶον κάῃ; πάνυ γε. οὐκοῦν καὶ εἰ τέμνει τι, ὁ αὐτὸσ λόγοσ; τέμνεται γάρ τι. ναί. καὶ εἰ μέγα γε ἢ βαθὺ τὸ τμῆμα ἢ ἀλγεινόν, τοιοῦτον τμῆμα τέμνεται τὸ τεμνόμενον οἱο͂ν τὸ τέμνον τέμνει;